ەلوردانى دامىتۋ باعدارلاماسىن جۇزەگە اسىرۋ ناتيجەلەرى تالقىلاندى
بۇل تۋرالى ەلوردانىڭ رەسمي سايتى حابارلادى.
كەزدەسۋ بارىسىندا قۇرىلىس، ەكولوگيالىق جاعداي، كولىك، ساۋدا جانە تۇرعىن ءۇي- كوممۋنالدىق شارۋاشىلىق ماسەلەلەرى قارالدى.
قالالىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءالىبي جۇمايەۆ دامۋ باعدارلاماسىن جۇزەگە اسىرۋدىڭ ناتيجەلەرىن جاريا ەتتى. ونىڭ اتاپ وتۋىنشە، قازىرگى كەزدە قالادا قولدانىستاعى ساۋدا جانە قىزمەت كورسەتۋ سالاسىندا الەمگە تانىمال برەندتەرتى كەڭەيتۋ بويىنشا جۇمىستار بەلسەندى جۇرگىزىلىپ جاتىر.
- بۇگىن استانادا 50 دەن استام برەندتى كاسىپورىن بار، جاقىن ارادا جاڭا ساتۋ جانە قىزمەت كورسەتۋ جەلىلەرى اشىلادى. كوشە ساۋداسىن زاماناۋي حالىقارالىق ستاندارتتارعا كەلتىرۋ ماقساتىندا 7 -جىلعا جالعا بەرۋ مەرزىمىمەن 1000 جەر ۋچاسكەسى انىقتالدى، ولار بيىلدان باستاپ كاسىپكەرلەر اراسىندا بولىنەتىن بولادى، - دەدى ءالىبي جۇمايەۆ.
ەلوردانى دامىتۋ باعدارلاماسىن جۇزەگە اسىرۋ كەزەڭىندە تىرشىلىكتى قامتاماسىز ەتۋ جۇيەسى تۇراقتاندىرىلدى، قولجەتىمدى تۇرعىن ءۇي جانە الەۋمەتتىك سالا نىساندارى سالىندى، ءبىرقاتار تابيعات قورعاۋ شارالاردى ىسكە اسىرىلدى.
وسى ۋاقىت ىشىندە قۇرىلىس كولەمى 2 ەسەگە ارتتى. 6,8 ميلليون شارشى مەتر تۇرعىن ءۇي پايدالانۋعا بەرىلدى، 275 شاقىرىمعا جۋىق جول سالىنىپ، قالپىنا كەلتىرىلدى. بۇل جاقسى جاعدايداعى جولدار سانىن %73 عا دەيىن ۇلعايتۋعا مۇمكىندىك بەردى، 2010 -جىلى بۇل كورسەتكىش %60 دى قۇراعان.
سونىمەن قاتار، قالانىڭ 42 قيىلىسىندا ينتەللەكتۋالدى كولىك جۇيەسىنىڭ جوباسى ەنگىزىلدى، ترافيكتى باسقارۋ ورتالىعىمەن جابدىقتالعان. وسىنىڭ ەسەبىنەن ەلوردانىڭ كولىك قوزعالىسى تىعىز بولاتىن التى كوشەسىندە وتكىزۋ قابىلەتتىلىگى %20 عا ءوستى.
قالانىڭ مارشرۋتتىق جەلىسىن جاڭعىرتۋ اۆتوبۋس كەستەسىن وڭتايلاندىرۋعا - كۇتۋ ۋاقىتىن ازايتۋعا جانە حالىقتى قامتۋ كورسەتكىشىن ۇلعايتۋعا مۇمكىندىك بەردى. التى كوشەدە bus line ارنايى جولاقتارى جاسالدى، ناتيجەسىندە اۆتوبۋستاردىڭ جىلدامدىعى %15 عا ارتتى.
- قالانىڭ ەلەكتر قۋاتى مەن جىلۋ ەنەرگياسى قاجەتتىلىگىن قامتاماسىز ەتۋ ماقساتىندا قولدانىستاعى ەنەرگيا كوزدەرى ج ە و-1، ج ە و-2 جاڭعىرتۋ جانە ج ە و-3 سالۋ بويىنشا جۇمىستار جۇرگىزىلدى. قۋاتتىلىعى 480 گكال بولاتىن ەنەرگيا كوزى ج ە و-3 ءبىرىنشى كەزەگىنىڭ قۇرىلىسى ەكسپو-2017 كورمەسىن وتكىزەر كەزدە اياقتالادى، - دەدى ءالىبي جۇمايەۆ.
«نۇرلى جول» باعدارلاماسى بويىنشا سالىنىپ جاتقان نىسانداردى: جاڭا تەمىر جول ۆوكزالىن، ەكسپو-2017 نىساندارىن، جاسىل ورامدى، سونداي-اق تۇران داڭعىلىنىڭ بويىندا سالىنىپ جاتقان نىسانداردى ورتالىقتاندىرىلعان جىلۋمەن قامتۋعا قوسۋ ءۇشىن قاجەتتى 4- جانە 5-كەزەكتەگى جىلۋ ماگيسترالدارىنىڭ قۇرىلىسى باستالدى.
تۇرعىن ءۇي-كوممۋنالدىق شارۋاشىلىقتى جاڭعىرتۋ اياسىندا كوپقاباتتى 88 تۇرعىن ءۇي كەشەنى جوندەلدى. وسى كەزەڭدە ۇزىندىعى 18 ك م سۋمەن جابدىقتاۋ جانە ۇزىندىعى 15 ك م كارىز جەلىسى قايتا جوندەلدى. ەسكە سالايىق، تالدىكول اعىندى سۋ جيناقتاعىشىن جويۋ جوباسى اياقتالۋ ساتىسىندا.
