الماتىدا اقىن و. سۇلەيمەنوۆ وقىرماندارىن ءوزىنىڭ جاڭا شىعارمالار جيناعىمەن تانىستىردى - فوتو
اقىننىڭ 80 جىلدىق مەرەيتويىنا ارنالعان كەزدەسۋگە بەلگىلى مادەنيەتتانۋشى مۇرات اۋەزوۆ، ك س ر و حالىق ءارتىسى اسانالى ءاشىموۆ، بەلگىلى ساۋلەتشى شوت-امان ءۋاليحانوۆ، عالىم-ادەبيەتشى سافار ابدۋللو جانە باسقا دا بەلگىلى تۇلعالار كەلدى.
«بۇل مەن ءۇشىن ۇلكەن قۋانىشتى كەش. مۇنداي كەزدەسۋ ادامعا رۋحاني كۇش- قۋات سىيلايدى. بۇل ولجاس اعانىڭ عانا ەمەس، بۇكىل ەلدىڭ، ادەبي قاۋىمنىڭ مەرەكەسى»، - دەدى م. اۋەزوۆ.
كەزدەسۋ بارىسىندا ولجاس سۇلەيمەنوۆ، مۇرات اۋەزوۆ جانە اسانالى ءاشىموۆ ۇشەۋى اقىننىڭ شىعارمالارى جيناعى مەن «ولجاس سۇلەيمەنوۆ» دەپ اتالاتىن عىلىمي- كومەكشى بيبليوگرافيالىق كورسەتكىشتىڭ تۇساۋىن كەستى.
شىعارمالار جيناعىنا اقىننىڭ قازاق جانە ورىس تىلدەرىندە جارىق كورگەن ۇزدىك شىعارمالارى ەندى.
ال ىرگەلى بيبليوگرافيالىق جۇمىس ق ر ۇلتتىق كىتاپحاناسىنىڭ بىرەگەي قورى نەگىزىندە ازىرلەنگەن.
ەڭ العاشقى دەرەككوز 1959 -جىلى پايدا بولعان. بۇل جىلى ولجاس سۇلەيمەنوۆتىڭ «مەنىڭ حالقىم»، «سۋ» جانە «دالا» ولەڭدەرى «ليتەراتۋرنايا گازەتا» باسىلىمىندا جارىق كورگەن ەكەن.
قازىرگى تاڭدا دەرەككوزدەردىڭ سانى 4 مىڭعا جۋىقتايدى.
ولاردىڭ قاتارىندا اقىننىڭ شىعارمالارى، ءومىرى مەن شىعارماشىلىعى تۋرالى ماتەريالدار، سونداي-اق، اندرەي ۆوزنەسەنسكي، روبەرت روجدەستۆەنسكي، ريمما كازاكوۆا جانە باسقا دا اقىنداردىڭ ولجاس سۇلەيمەنوۆكە ارناعان ولەڭدەرى بار.
بۇل كىتاپ ءۇش بولىمنەن، ياعني قازاق، ورىس جانە باسقا دا شەت تىلدەردە جازىلعان كورسەتكىشتەردەن تۇرادى. بيبليوگرافيالىق كورسەتكىش اقىننىڭ ءومىرى مەن شىعارمالارىن زەرتتەگىسى كەلگەن فيلولوگتارعا، عىلىمي قىزمەتكەرلەرگە، زەرتتەۋشىلەرگە، كىتاپحاناشىلارعا جانە كوپشىلىك وقىرماندارعا ارنالعان.
ودان باسقا، كىتاپحانادا «ولجاس الەمى» اتتى اكادەميالىق كىتابي- كورنەكى كورمە جۇرتشىلىق نازارىنا ۇسىنىلدى.
اۆتور: ايبوتا جاپپاربەرگەن
