دوستىق- الاشانكوۋ تەمىر جول ارالىعىندا جۇك پويىزدارى سوقتىعىسىپ، ورتەندى - فوتو، كەسكىن

استانا. قازاقپارات - 19 -مامىر كۇنى ساعات 05:05 تە الماتى وبلىسىنداعى «دوستىق- الاشانكوۋ» تەمىرجولىنىڭ ءبىر ۋچاسكەسىندە جۇك پويىزدارى سوقتىعىستى.

«ساعات 3 تە دوستىق ستانساسىنان CKD-9 تەپلوۆوز جۇك پويىزى (قۇرامىندا جۇك تيەلگەن 54 ۆاگون بولدى) شىقتى، سونداي-اق ساعات 04:45 تە ق ح ر- دىڭ الاشانكوۋ ستانساسىنان CKD-9 تەپلوۆوز جۇك پويىزى (قۇرامىندا 47 بوس ۆاگون بولدى) شىقتى، اقىرى ولار كەڭ تاباندى جولدا سوقتىعىسىپ، ورتەندى»، - دەلىنگەن حابارلامادا.

الدىن الا مالىمەتتەر بويىنشا، پويىزداردىڭ سوقتىعىسۋى تەپلوۆوزدىڭ تەجەگىش جۇيەسىنىڭ اقاۋى سالدارىنان ورىن العان. قازا تاپقاندار مەن زارداپ شەككەندەر جوق، ءورت ءسوندىرىلدى.

سونىمەن بىرگە، 24 ۆاگوننىڭ رەلستەن شىعىپ كەتكەنى حابارلانىپ وتىر.