استانادا «مۋزەيدەگى ءتۇن» اكسياسىنا مىڭداعان قالا تۇرعىنى قاتىستى - فوتو
«مۋزەيدەگى ءتۇن» اكسياسىنا مىڭداعان قالا تۇرعىنى مەن قوناقتارى قاتىستى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
ق ر ۇلتتىق مۋزەيىندە قوناقتار ءۇشىن قىزىقتى باعدارلاما ازىرلەندى. كەلۋشىلەر نازارىنا قولونەرشىلەردىڭ جارمەڭكەسى، مۋزەي تۋرالى كىتاپ ۇسىنىلدى. بۇل ءتۇنى ون ەكسپوزيتسيالىق زالدىڭ بارىندە ەكسكۋرسيالار وتكىزىلىپ، LED- ەكرانداردان روليكتەر كورسەتىلدى. مۋزەيدە زەرگەرلىك بۇيىمدار، فارفور، ات ابزەلدەرى، قارۋ- جاراقتار كوللەكسياسى مەن كىلەمدەر قويىلعان.
- ق ر ۇلتتىق مۋزەيى حالىقارالىق مۋزەيلەر كۇنىنە الدىن الا دايىندالدى. مىسالى، كەشە بالالار اراسىنداعى «مۋزەي الەمىنە ساياحات» سۋرەت كورمەسى اشىلدى. اتالعان شارا كوركەمسۋرەت جانە گرافيكا ۇيىرمەسىنە باراتىن بالالار شىعارماشىلىعىنىڭ جەمىسى بولماق. بۇگىن مۋزەي ىسىنە ارنالعان كورمە اشىلدى - بۇل مۋزەيلىك ەكسپوناتتاردى كونسەرۆاتسيالاۋ، رەستاۆراتسيالاۋ. وسىنداي مەرەكە جىلىنا ءبىر رەت وتەدى، ادامدار تۇتاستاي وتباسىلارىمەن كەلىپ، جاڭالىقتارمەن، تاريحپەن تانىسادى، - دەيدى ق ر ۇلتتىق مۋزەيىنىڭ مادەني- ءبىلىم بەرۋ جۇمىستارى قىزمەتىنىڭ جەتەكشىسى جانار بەيىسوۆا.
قالا تۇرعىندارى مۋزەيدە وتاندىق شوۋ- بيزنەس وكىلدەرىنىڭ ونەرىن تاماشالادى. قوناقتاردىڭ كوبى مۋزەيگە العاش رەت كەلگەن ەكەن.
كەلۋشىلەر «اتامەكەن» ەتنومەموريالدىق كەشەنىندە ءبىر تۇندە بارشا رەسپۋبليكامىزدى ارالاپ ءوتتى. ولار ەلىمىزدىڭ وڭىرلەرىن تولىقتىرا تۇسكەن جاڭا ماكەتتەردى تاماشالادى.
- «اتامەكەن» قازاقستان كارتاسى بيىل 15- ماۋسىمىن وتكىزەدى. ول ءوز جۇمىسىن 1 - مامىردا باستادى. بيىل جاڭادان 30 استام ماكەت جاسالدى، سونداي- اق كوبى قايتا جوندەلدى. استانا بويىنشا 20 ارتىق ماكەت جاڭارتىلدى، سونىڭ ىشىندە مينيسترلىكتەر ءۇيى، قارجى مينيسترلىگى، قالا اكىمدىگى، بۇرىنعى ق ر پارلامەنتى عيماراتى، «وتان انا» جانە ت. ب. - دەدى «اتامەكەن» ەتنومەموريالدىق كەشەننىڭ ديرەكتورى الما التىبايەۆا.
مۋزەي ەكسكۋرسوۆودتارى مەن شاقىرىلعان شىعارماشىلىق ۇجىمدار كورەرمەندەر ءۇشىن كونسەرتتىك باعدارلاما ۇيىمداستىردى. سونىمەن قاتار، ادەتتەگىدەي لوتەرەيا بيلەتتەرىنىڭ ۇتىسى وتكىزىلدى.
