الماتىدا حالىقارالىق كونفەرەنتسيادا جاڭا جىبەك جولى ەكونوميكالىق بەلدەۋىن دامىتۋ ماسەلەلەرى تالقىلانۋدا
ونىڭ جۇمىسىنا قازاقستان، قىتاي، رەسەي، ا ق ش، ءۇندىستان جانە باسقا دا ەلدەردىڭ تاريحشى، شىعىستانۋشى عالىمدارى، فيلوسوفتار، سونداي-اق، ساياساتكەرلەر، قوعام قايراتكەرلەرى قاتىسۋدا.
«قازاقستان مەن قىتاي اراسىنداعى ديپلوماتيالىق قارىم-قاتىناستى - ستراتەگيالىق ارىپتەستىك دەپ ايتۋعا بولادى. قىتاي قازىرگى تاڭدا «جاڭا جىبەك جولى ەكونوميكالىق بەلدەۋى» جوباسىن ورتاق سيپاتتا قۇرۋدى ۇسىنىپ وتىر. وسى تۇرعىدا ەكى ەل اراسىندا قانداي سالالاردا ءوزارا ىنتىماقتاستىق ورناتۋعا بولادى؟ ءبىزدىڭ تۇيىسەتىن تۇستارىمىز كوپ. بۇل جەردە الدىمەن بىلىكتى عالىمداردىڭ ساراپتاماسى، پىكىرى، ۇسىنىستارى اۋاداي قاجەت.
ءبىراق، قالاي بولعاندا دا كەز كەلگەن ىنتىماقتاستىقتى ۇلتتىق مۇددە، ۇلتتىق تاۋەلسىزدىك، ۇلتتىق قاۋىپسىزدىك تۇرعىسىنان قاراستىرۋعا ءتيىسپىز. بارلىق ەلدەر سولاي جاسايدى. سول ءۇشىن جاڭا جىبەك جولى ەكونوميكالىق بەلدەۋىن دامىتۋدا بىزگە ءبىرىنشى كەزەكتە ءوزارا تۇسىنىستىك قاجەت»، - دەدى ءوز سوزىندە ءال-فارابي اتىنداعى قازۇۋ قىتاي تانۋ كافەدراسىنىڭ مەڭگەرۋشىسى، تاريح عىلىمدارىنىڭ دوكتورى، پروفەسسور ءنابيجان مۇحامەتحان ۇلى.
كونفەرەنتسيا بارىسىندا وتكىزىلەتىن پلەنارلىق جانە سەكتسيالىق ماجىلىستەر بارىسىندا «جاڭا جىبەك جولى ەكونوميكالىق بەلدەۋى» جوباسىنا قاتىستى ونداعان باياندامالار وقىلادى.
كونفەرەنتسيا جۇمىسى جالعاسۋدا. ول ەكى كۇنگە سوزىلادى. كونفەرەنتسيا سوڭىندا ءتيىستى قارار قابىلدانادى.
اۆتور: ايبوتا جاپپاربەرگەن
