ق ر اقپارات جانە كوممۋنيكتسيالار ءمينيسترى داۋرەن ابايەۆ فەيسبۋك الەۋمەتتىك جەلىسىندە جەكە پاراقشا اشتى
«قىمباتتى دوستار! فەيسبۋكتەگى بۇل پاراقشانى مەن جۇمىسىما بايلانىستى اشىپ وتىرمىن.
بۇگىندە فەيسبۋك-قوعامداستىق قازاقستاندىقتاردىڭ ازاماتتىق بەلسەندىلىگىنىڭ ايناسىنا اينالدى. ەڭ ماڭىزدى ءارى وزەكتى ماسەلەلەر وسى جەردە تالقىلانادى. سوندىقتان، مەن سىزدەرمەن ۇدايى بايلانىستا بولۋ ارقىلى عانا قوعامنىڭ تىنىس-تىرشىلىگىنەن تولىق حاباردار بولاتىنىما سەنىمدىمىن.
ءبىزدىڭ مينيسترلىككە اقپارات كەڭىستىگىن، تەلەكوممۋنيكاتسيا نارىعى مەن مەملەكەتتىك قىزمەت كورسەتۋ سەكتورىن دامىتۋ جونىندە ماڭىزدى مىندەتتەر جۇكتەلدى.
ءبىز ءۇشىن ءاربىر قازاقستان ازاماتىنىڭ جۇرگىزىلىپ جاتقان رەفورمالار مەن قابىلداناتىن زاڭداردىڭ ءمانىن تۇسىنگەنى، ەڭ وزەكتى ماسەلەلەرگە قاتىستى ساۋالدارىنا مەملەكەتتەن ساپالى جاۋاپ العانى ماڭىزدى»، - دەپ جازدى داۋرەن ابايەۆ.
سونىمەن قاتار، مينيستر ءوز جازباسىندا جۇمىستى اشىقتىق پەن ەسەپتىلىك سياقتى ەڭ باستى قاعيداتتاردى نەگىزگە الا وتىرىپ جۇرگىزەتىنىن ايتتى.
«ۆەدومستۆومىز قازىر ۇيىمداستىرۋ ماسەلەلەرىن شەشىپ جاتىر. تاياۋ ارادا جوسپارلارىمىزدى تانىستىرىپ، يدەيالار مەن ۇسىنىستاردى قاراستىرۋعا دايىن بولامىز.
ىنتىماقتاستىعىمىز جەمىستى بولادى دەپ سەنەمىن!» - دەپ جازدى ق ر اقپارات جانە كوممۋنيكاتسيالار ءمينيسترى.
