10:37, 20 - مامىر 2016 | GMT +5
پاريجدەن كايرگە باعىت العان ۇشاق جەرورتا تەڭىزىنە قۇلاعان - ب ا ق
استانا. قازاقپارات - پاريجدەن كايرگە باعىت العان EgyptAir ۇشاعى تەڭىزگە قۇلادى، - دەپ حابارلايدى ر ي ا نوۆوستي مىسىردىڭ «مايادين» تەلەارناسىنا سىلتەمە جاساپ.
«Egyptair اۋە كومپانياسىنىڭ دەرەككوزى ۇشاقتىڭ جەرورتا تەڭىزىنە قۇلاعانىن راستادى»، - دەپ حابارلادى تەلەارنا Twitter اككاۋنتىندە. ايتا كەتەيىك، بولجام بويىنشا، Airbus A320 بورتىندا 58 جولاۋشى جانە بىرنەشە ەكيپاج مۇشەسى بولعان.
ۇشاق راداردان كاير ۋاقىتى بويىنشا ساعات 02:45 تە جوعالىپ كەتكەن بولاتىن. ۇشاق ول كەزدە مىسىردان 80 ميل جەردە بولعان. ول راداردان گرەكيانىڭ اۋماعىنا كىرگەننەن كەيىن 20 مينۋتتان سوڭ جوعالىپ كەتتى.
