قاراعاندى وبلىسىنىڭ ەكس-اكىمى باۋىرجان ابدىشەۆ مەرزىمىنەن بۇرىن شارتتى تۇردە بوساتىلدى
قازىبەك ءبي اۋداندىق سوتىنىڭ سۋدياسى جۇماعۇل شۇجەنوۆ سوتتالۋشىنىڭ ءوتىنىشىن قاناعاتتاندىرىپ، ءوز شەشىمىن جاريا ەتتى. «ابدىشەۆ مەرزىمىنەن بۇرىن شارتتى تۇردە بوساتىلسىن، 1 جىل 4 اي 4 كۇنگە پروباتسيالىق باقىلاۋ ورناتىلسىن»، - دەدى سۋديا.
ەسكە سالايىق، باۋىرجان ابدىشەۆ 2015-جىلدىڭ 11- جەلتوقسانىندا ق ر قىلمىستىق كودەكسىنىڭ 365-بابىنىڭ 3-بولىگى («زاڭدى كاسىپكەرلىك قىزمەتكە كەدەرگى جاساۋ»)، ق ر قىلمىستىق كودەكسىنىڭ 307-بابىنىڭ 3-بولىگى «قىزمەتتىك وكىلەتتىلىگىن اسىرا پايدالانۋ» جانە ق ر قىلمىستىق كودەكسىنىڭ 364-بابىنىڭ 3-بولىگى «كاسىپكەرلىك قىزمەتكە زاڭسىز قاتىسۋ» باپتارى بويىنشا ەكونوميكالىق قىلمىس جاساعانى ءۇشىن بەس جىلعا باس بوستاندىعىنان ايىرىلعان بولاتىن.
الايدا وبلىستىق سوتتىڭ اپەللياتسيالىق القاسى 14- ناۋرىزدا جازانى جەڭىلدەتتى، ونىڭ مەرزىمى ءۇش جىلعا قىسقارعان ەدى. سوتتالعان ابدىشەۆ تۇزەتۋ مەكەمەسىندە 1 جىل 7 اي 25 كۇن بولدى.
