09:56, 20 - مامىر 2016 | GMT +5
بەيبىت شۇمەنوۆتىڭ قارسىلاسىنىڭ ەسىمى بەلگىلى بولدى
استانا. قازاقپارات - جارتىلاي اۋىر سالماقتا ۋاقىتشا الەم چەمپيونى تيتۋلىن العاش رەت قورعايتىن قازاقستاندىق بوكسشى بەيبىت شۇمەنوۆتىڭ (16-2، 10 ك و) قارسىلاسىنىڭ ەسىمى بەلگىلى بولدى، دەپ جازادى Sports.kz.
سەنبى كۇنى لاس-ۆەگاستاعى The Cosmopolitan ارەناسىندا شۇمەنوۆ رينگتە ءبىرىنشى اۋىر سالماقتا شىعىپ جۇرگەن امەريكالىق بوكسشى دجۋنيور رايتپەن كەزدەسەدى. سونداي-اق РВС بوكس شوۋىنىڭ اياسىندا ۆانەس مارتيروسيان مەن ەريسلاندي لارا جانە جەرمالل چارلو - وستين تراۋت جۇدىرىقتاسادى.
ەسكە سالا كەتەيىك، بەيبىت شۇمەنوۆ سوڭعى جەكپە-جەگىن وتكەن جىلدىڭ شىلدە ايىندا وتكىزدى. جەلتوقساندا ول كشيشتوف ۆلودارچيكپەن جۇدىرىقتاسۋى ءتيىس ەدى، الايدا جاراقاتى سالدارىنان بۇل جەكپە-جەكتەن باس تارتۋعا ءماجبۇر بولدى.
