07:54, 19 - مامىر 2016 | GMT +5
ا ق ش- تىڭ بومبالاۋشى ۇشاعى اپاتقا ۇشىرادى
استانا. قازاقپارات - ا ق ش- تىڭ В-52Н ستراتەگيالىق بومبالاۋشى ۇشاعى گۋام ارالىندا اپاتقا ۇشىرادى، بۇل تۋرالى Associated Press اگەنتتىگى حابارلادى.
وقيعا تۋرالى ناقتى مالەمەت ۇسىنعان «Pacific Daily News» باسىلىمىنىڭ جازۋىنشا، اپات 19- مامىر كۇنى جەرگىلىكتى ۋاقىت بويىنشا تاڭەرتەڭ بولعان. ۇشاق اندەرسون اسكەري- اۋە كۇشتەرى بازاسىنىڭ ۇشىپ- قونۋ الاڭىندا قۇلاعان. 7 ەكيپاج مۇشەسىنىڭ بارلىعى بىردەي امان، ولاردىڭ جارالانعاندىعى تۋرالى اقپارات جوق.
ۇشاق سولتۇستىك داكوتا شتاتىنان گۋامعا بارعان. ەكيپاج جاتتىعۋ ءۇشىن جىبەرىلگەن. قازىر وقيعانىڭ ءمان- جايى انىقتالۋدا.
