استانالىق ارۋ سەۋلدەگى سۇلۋلىق بايقاۋىندا قازاقستان اتىنان ونەر كورسەتتى - فوتو
OK-models اگەنتتىگىنىڭ اقپاراتىنا سايكەس بايقاۋعا الەمنىڭ 35 ەلىنىڭ وكىلدەرى قاتىسقان. ەكى اپتا بويى اقتىق مارەگە جەتكەن سۇلۋلار الەۋمەتتىك شارالارعا، تۇسىرىلىمدەر مەن سۇحبات بەرۋلەرگە قاتىسقان.
MISSSUPERTALENT WORLD ءسان مەن شوۋ-بيزنەسى سالاسىنداعى تاماشا جەتىستىككە جەتكەندەردى ماراپاتتاۋعا ارنالعان حالىقارالىق «Star Awards» شاراسى اياسىندا وتكىزىلدى. بايقاۋ قورىتىندىسىندا قازاقستان وكىلى الەمدىك توپ-15 سانگەرى قاتارىنان تابىلدى.
وسى رەتتە س. ساكەنوۆا عالامشاردىڭ ەڭ سۇلۋ ءارى تالانتتى ارۋىن تاڭداۋ قالاي جۇرگىزىلگەندىگى، كاسىبي سانگەر قانداي قاسيەتتەرگە يە بولۋى كەرەكتىگى جانە سەۋل نەدەي ەرەكشەلىكتەرىمەن ەستە قالعاندىعى جايىندا پىكىرىمەن ءبولىستى.
- ءسانيا مۇنداي وتە جوعارى دەڭگەيدەگى شارعا تابىستى قاتىسۋىڭمەن قۇتتىقتايمىز! بايقاۋ قالاي وتكەندىگى جانە تورەشىلەردىڭ سەنىم ۇدەسىنە شىعۋ ءۇشىن قالاي تىرىسقانىڭ جايىندا ايتىپ بەرسەڭ.
- قايىرلى كۇن، قۇتتىقتاۋلارىڭىز ءۇشىن راحمەت. جالپى، مەنىڭ جان دۇنيەم ءالى كۇنگە سەۋلدە دەسەم دە بولادى. بۇل بايقاۋ تەك قانا سانگەرلىك كەلبەتكە ساي قىزدارعا ارنالعانىمەن وندا نەگىزگى باسىمدىق ولاردىڭ دارىنىنا دا بەرىلەدى. تۇپكى يدەياسى - قىزدار تەك سۇلۋ عانا ەمەس سونىمەن بىرگە كوركىنە اقىلى ساي بولۋى ءتيىس. شىعارماشىلىق ءنومىر جايىندا ماعان الدىن الا ەسكەرتىلگەن ەمەس. وعان قوسا دايىندالۋعا ۋاقىتىم دا بولا قويعان جوق. دەگەنمەن، ءوزىمنىڭ داعدىمدى (ءسانيا بىرنەشە جىل بيمەن اينالىسقان) ەسىمە تۇسىرە وتىرىپ، ءنومىرىمدى كورسەتتىم. ونەر تەك قاتىسۋشىلاردى عانا ەمەس سونىمەن بىرگە تورەشىلەردى دە تاڭ قالدىردى دەپ ايتا الامىن. وكىنىشكە وراي، قىسقا ۋاقىتتىڭ ىشىندە كاسىبي تۇرعىداعى ۆيدەونى ءتۇسىرىپ، مونتاج جاساۋعا ۋاقىت بولمادى. سونىڭ كەسىرىنەن مەن تالانتتار بايقاۋىنا جانە توپ-5 تىككە ەنۋىمە جول بەرمەدى. ەگەر وسىناۋ ءبىر قيىندىقتار بولماعاندا... كىم بىلەدى، مۇمكىن ءتاج مەنىكى بولار ما ەدى...
- كونكۋرسقا قاتىسقان ساتتەن فينالعا دەيىن قانداي ءىس- شارالارعا قاتىستىڭ؟
- Kiamotors كومپانياسى ءۇشىن Jessy Dress كويلەكتەرىمەن فوتوسەسسياعا قاتىسۋىم ءبارىن بۇرىن ەسىمدە ساقتالىپ قالدى. سونىمەن قاتار قوناق ۇيلەردە، كلۋبتاردا فوتوسەسسيادار جۇرگىزىلدى. سەۋل قالاسى تۇرعىندارى ءۇشىن كينوفەستيۆالدىڭ اشىلۋىندا بىزدەردىڭ ءساندى كيىمدەرمەن ءجۇرىپ ءوتۋىمىز زور مەرەكە بولعان سياقتى. اسىرەسە، بالالار ءبىزدىڭ شەرۋىمىزگە تاڭدانىسپەن قارادى. مۇنان بولەك، فۋتبول جانە باسكەتبول ويىندارىنا بارىپ، كوپتەگەن جارنامالىق جوبالارعا، ءتۇرلى تۇساۋكەسەرلەر مەن بالالار مەرەكەلەرىنە قاتىستىق.
- بايقاۋدىڭ شىرقاۋ شەگى، فينالدىق شوۋ قالاي وتكەندىگىن ايتىپ بەرسەڭ؟
- اقتىق سايىس سەۋلدەگى ەڭ تاماشا قوناق ۇيلەردىڭ ءبىرى КingHotel-دە ءوتتى. شوۋعا وتە كوپ ادام كەلدى، زالدا ينە شانشار ورىن بولمادى دەسەك تە بولادى. اقتىق سايىستا ءبىز نەگىزىنەن پوديۋمدا ءتۇرلى كوستيۋمدەرمەن جۇردىك.
بۇل بايقاۋعا قاتىسقان بارلىق قىزداردىڭ دا وتە سۇلۋ ءارى جەڭىسكە لايىق بولعاندىعىن اتاپ وتكىم كەلەدى. اسىرەسە، ماعان سينگاپۋر، موڭعوليا، رەسەي، پۋەرتو-ريكو، مەكسيكا، چەحيا، بولگاريا، ۆەتنام، ۇلى بريتانيا، قىتاي قىزدارى ۇنادى.
- الەمدىك اۋقىمداعى بايقاۋعا قاتىسۋ تاجىريبەڭىز بار. ەندى سانگەرلىكتى ەندى باستاعاندارعا قانداي اقىل- كەڭەس بەرەر ەدىڭ؟
- ءبىراق نارسە ايتامىن: ەگەر سەندە وتانىڭنان تىسقارى جەردە وتەتىن حالىقارالىق بايقاۋعا قاتىسۋ مۇمكىندىگى تۋسا، ىركىلمەي بار. بۇل سەنىڭ كاسىبي تۇرعىدا وسۋىڭە باعا جەتپەس تاجىريبە جانە ءوز ەلىڭدى پاش ەتۋگە بەرىلىپ وتىرعان بىرەگەي مۇمكىنشىلىك. مۇناي بايقاۋعا ەۋروپا مەن ازيانىڭ بەلگىلى سانگەرلەرى قاتىسىپ جاتادى. ولارمەن اڭگىمەلەسۋ ءارى تاجىريبە جيناۋ ءار ۋاقىتتا دا پايدالى. بۇعان قوسا، اعىلشىن ءتىلىن اۋىز ەكى سويلەۋدە دە ءبىراز مەڭگەرىپ الاسىڭ. ويتكەنى، بۇل تىلدە بارلىعى دا سويلەيدى دەسەك بولادى. بارىنشا بەلسەندى، اشىق ءارى ءوزىڭدى ءوزىڭ قورعاي الۋعا ءتيىسسىڭ. ادامدار ءار ءتۇرلى، بۇل ءومىر، سوعان بەيىمدەلە ءتۇس.
اۆتور: مارلان جيەمباي
