ابىز جازۋشى ءابىش كەكىلبايدىڭ «جۇز كۇندىك جالعىزدىق» اتتى كىتاپ جارىققا شىقتى - فوتو

استانا. قازاقپارات - بۇگىن ۇلتتىق اكادەميالىق كىتاپحانادا ابىز جازۋشى ءابىش كەكىلبايەۆتى ەسكە الۋعا ارنالعان كەش ءوتتى.

كەش اياسىندا جۋرناليست جۇمابەك مۇقانوۆتىڭ «ءجۇز كۇندىك جالعىزدىق» اتتى كىتابىنىڭ تۇساۋى كەسىلدى.

كىتاپ زاڭعار جازۋشى ءابىش كەكىلبايەۆتىڭ ومىرىنە ارنالعان.

«مەن اقپارات قۇرالدارىندا قازالى كۇندەردىڭ شەجىرەسىن جاريالاي باستاعاندا، ماعان ءبىرتالاي كىسى قوڭىراۋ شالىپ، «بۇل كىتاپقا سۇرانىپ تۇرعان دۇنيە ەكەن» دەدى. سوندىقتان، جيناپ، كىتاپ قىلىپ شىعاردىم. تۋىندىنىڭ نەبارى ءبىر اپتادا جارىققا شىعۋىنا مۇرىندىق بولعان راقىمجان وتاربايەۆ»، - دەيدى ج. مۇقانوۆ.

«ءابىش اعانىڭ جەتىسى اقتاۋدا ءوتتى، قىرقى الماتىدا ءوتتى. ءجۇزى اقتاۋدا وتەتىن بولدى دەپ ەستىگەن سوڭ، وسى كىتاپتى شىعارىپ، 2000 دانامەن اسىندا تاراتتىق»، - دەيدى ج. مۇقانوۆ.

ءابىش كەكىلباي ۇلى 1939 -جىل 6 -جەلتوقساندا ماڭعىستاۋ وبلىسىندا تۋعان. 2015 -جىلى 76 جاسىندا ومىردەن وزدى. ءابىش كەكىلبايەۆ - قازاقستاننىڭ ەڭبەك ەرى، مەملەكەتتىك سىيلىقتىڭ لاۋرەاتى. ءابىش كەكىلبايەۆ شىڭعىس ايتمانوۆتىڭ «ەرتە كەلگەن تىرنالار»، ل. تولستويدىڭ «سوعىس جانە بەيبىتشىلىك» روماندارىن اۋدارعان. قازاق حالقى ءۇشىن كوزى تىرىسىندە عاسىر جازۋشىسىنا اينالعان.

   

اۆتور: كەنجەكەي توقتامۇرات قىزى