استانادا رەسەيدىڭ قازاقستانداعى العاشقى ساۋدا ءۇيى اشىلادى
بۇل تۋرالى بۇگىن قازاقستانداعى ر ف ساۋدا وكىلى الەكساندر ياكوۆليەۆ ءمالىم ەتتى.
«1 -ماۋسىمدا استانادا رەسەيدىڭ قازاقستانداعى العاشقى ساۋدا ءۇيى اشۋدى جوسپارلاپ وتىرمىز. بۇل ءبىزدىڭ ءبىرىنشى ىلكى جوبالارىمىزدىڭ ءبىرى بولماق. ساۋدا ءۇيى ءبىزدىڭ رەسەيلىك كومپانيالارعا كومەك بەرەدى، ال ءبىز ەلشىلىك تاراپىنان ولارعا مەملەكەتتىك قولداۋ جاسايمىز»، - دەدى ول «قازاقپارات» تىلشىسىنە بەرگەن سۇxباتىندا.
ونىڭ ايتۋىنشا، ساۋدا ۇيلەرى سىرتقى ەكونوميكالىق ۇدەرىستەرگە بەلسەندى ارالاسىپ وتىرعان قاتىسۋشىلارعا الەۋەتتى سەرىكتەستەرمەن كەلىسسوزدەر جۇرگىزۋگە، كەلىسىمشارتتاردى جاساۋدا زاڭنامالىق تۇرعىدا كەڭەس بەرۋگە، لوگيستيكا مەن كورمە ۇيىمداستىرۋعا كومەك جاسايدى.
بۇنىڭ الدىندا حابارلانعانىنداي، رەسەيدە قازاقستاننىڭ ساۋدا ءۇيى اشىلعان بولاتىن. ول ماسكەۋدە «فۋد سيتي» اگروكلاستەرىندە ورنالاسقان. وتاندىق تاۋاروندىرۋشىلەر ماسكەۋ نارىعىندا بال، ءسۇت ونىمدەرىن، كامپيتتەر، بالىق دەليكاتەستەرىن، ەت ونىمدەرىن ساتادى.
اۆتور: جاسۇلان جولدىبايەۆ
