جاپونيادا جولاۋشىلار پويىزى رەلستەن شىعىپ كەتتى

استانا. قازاقپارات - سارسەنبىدە جاپونيا استاناسىنىڭ يتاباسي اۋدانىندا جولاۋشىلار پويىزى رەلستەن شىعىپ كەتتى. جەرگىلىكتى قۇقىق قورعاۋ ورگاندارى حابارلاعانداي، جولاۋشىلاردىڭ ەشبىرى زارداپ شەككەن جوق.

 "توبۋدزە" تەمىر جول جەلىسى بويىنشا ەكى جاققا دا قوزعالىس ۋاقىتشا توقتاتىلدى. قازىرگى ساتتە ون ۆاگوننىڭ بەسەۋى نە سەبەپتەن رەلستەن شىعىپ كەتكەنى جايلى اقپارات تاراتىلمادى. وقيعا ورنىندا قۇتقارۋشىلار جۇمىس ىستەۋدە. بارلىق جولاۋشىلار ءساتتى ەۆاكۋاتسيالاندى.