12:51, 18 - مامىر 2016 | GMT +5
اتاقتى ەسىرتكى بارونى گۋسمان تۋرالى تەلەحيكايا جارىققا شىعادى
استانا. قازاقپارات - ەسىرتكى بارونى حواكين گۋسمان تۋرالى تەلەحيكايا 2017 -جىلى ا ق ش تەلەەكرانىنا شىعادى. بۇل تۋرالى سەيسەنبى كۇنى «The Hollywood Reporter» جۋرنالى حابارلادى.
كوپ سەريالى فيلمدە اتى شۋلى مەكسيكالىق قىلمىسكەردىڭ ءومىرى كورسەتىلمەك. تەلەحيكايانى ەكى امەريكالىق كومپانيا - يسپان ءتىلدى تەلەكوممۋنيكاتسيالىق «Univision» ، سونىمەن قاتار «Netflix» ءتۇسىرىپ جاتىر.
«سينالوا» ناركوكارتەلىنىڭ باسشىسى حواكين گۋسمان 2015 -جىلى 12 - شىلدەگە قاراعان ءتۇنى مەحيكو شتاتىنداعى قاتاڭ رەجىمدەگى «التيپلانو» تۇرمەسىنەن ءوز كامەراسىنان قازىلعان 1,5-كيلومەترلىك تۋننەل ارقىلى قاشىپ كەتكەن. ەسىرتكى ساۋداگەرىن اعىمداعى جىلى 8 - قاڭتاردا مەكسيكالىق تەڭىز كۇشتەرى (اسكەرى) سينالوا شتاتى لوس- موچيس قالاسىندا ۇستادى. جازاسىن وتەۋ ءۇشىن گۋسماندى «التيپلانو» تۇرمەسىنە قايتا جونەلتتى. ونى ۇستاۋ ءتارتىبى بۇرىنعىدان دا قاتايتىلدى. قىلمىسكەر ا ق ش- قا ەكستراديتسيالانۋى مۇمكىن.
