قازاقستاندى تاستاپ كەتىپ جاتقاندار سانى كوبەيدى

استانا. قازاقپارات - قازاقستاندا 2016-جىلدىڭ العاشقى ءۇش ايىندا قازاقستان ازاماتتىعىنان شىققاندار سانى ارتىپ، قابىلداعاندار سانى ازايدى دەپ حابارلادى ۇلتتىق ەكونوميكا ميينسترلىگىنىڭ ستاتيستيكا كوميتەتى.

بۇل تۋرالى «ازاتتىق» جازدى.

رەسمي مالىمەت بويىنشا، بيىل العاشقى ءۇش ايدا 5 مىڭ 434 ادام قازاقستان ازاماتتىعىنان شىققان، بۇل وتكەن جىلدىڭ العاشقى ءۇش ايىنداعى كورسەتكىشپەن سالىستىرعاندا 20,3 پايىزعا كوپ. ال 2016-جىلدىڭ قاڭتار-ناۋرىز ايلارىندا 3 مىڭ 53 ادام قازاقستان ازاماتتىعىن قابىلداعان. بۇل - وتكەن جىلدىڭ ءتيىستى كەزەڭىمەن سالىستىرعاندا 26,7 پايىزعا از.

كوميتەت اقپاراتىنا قاراعاندا، نەگىزگى ميگراتسيالىق الماسۋ ت م د ەلدەرىمەن جاسالادى. بيىل قازاقستانعا كەلگەندەردىڭ 75,2 پايىزى ت م د ەلدەرىنەن شىققان، ال كەتكەندەردىڭ 87,7 پايىزى ت م د ەلدەرىنە كەتكەن.