شۆەيتساريا دەلەگاتسياسى الماتىنىڭ تۋريستىك پوتەنتسيالىن جوعارى باعالادى
قۇجات مادەنيەت، ەكونوميكا، عىلىم، تەحنولوگيا، اسكەرلىك بايلانىس سالاسىنداعى ىنتىماقتاستىقتى ارتتىرۋعا ارنالعان.
كەلىسىم اياسىندا قوس قالا باسشىسى اقپارات الماسۋ، اگلومەراتسيانى دامىتۋ، ءوندىرىس پەن قوعامدىق كولىك سالاسىن دامىتۋ، ساۋدا-ساتتىق، دەنساۋلىق ساقتاۋ، ءبىلىم بەرۋ سالاسىنداعى وزىق تاجىريبەلەرىمەن بولىسپەك.
الماتى اكىمى شۆەيتساريا مەملەكەتىنىڭ الماتى ەكونوميكاسىندا الاتىن ورنى زور ەكەندىگىن جەتكىزدى.
ونىڭ ايتۋىنشا، قالادا ءوزارا بىرىككەن 37 كاسىپورىن بار. 91 كاسىپورىن شۆەيتسار قارجىسىمەن جۇمىس جاساپ جاتىر.
ءوز كەزەگىندە ماركو باررودوري الماتىنىڭ تۋريستىك پوتەنتسيالىن جوعارى باعالادى.
«مەن بۇگىن الماتىعا العاش كەلىپ وتىرمىن. قالانىڭ كوركىنە تاڭ قالدىم. الماتىنىڭ تۋريستىك پوتەنتسيالى وتە جوعارى. بۇگىنگى قالانىڭ دامۋ كورسەتكىشى بولاشاقتا ونىڭ ءىرى مەگاپوليسكە اينالارىنا كەپىلدىك بەرەرى ءسوزسىز»، - دەدى م. بوررادوري.
اۆتور: گۇلميرا عوسمانالي
