الماتىدا ەكى اپتانىڭ ىشىندە رەكوردتىق كولەمدە جاۋىن-شاشىن ءتۇستى
جىل سايىنعى ادەتتەگى نورما 106 ميلليمەتردەن اسپاۋشى ەدى.
سينوپتيكتەردىڭ بىرنەشە ەسكەرتۋ جاساۋىنا بايلانىستى، قالانىڭ شۇعىل قىزمەتتەرىنىڭ جاقىنداپ كەلە جاتقان تابيعاتتىڭ توسىن مىنەزىنە ساقاداي-ساي دايارلانعانىنا قاراماستان، بۇل ستيحيالىق اپات مەگاپوليستە كۇردەلى جاعداي تۋىنداتىپ، ابىگەرگە سالدى. شەلەكتەپ قۇيعان نوسەر جاڭبىردىڭ سالدارىنان قالانىڭ جوعارعى جانە ورتالىق بولىگىندە اۆتوكولىك قوزعالىسى قيىندادى. بۇرىننان بار ارىق جۇيەسى دە ۇلكەن كولەمدەگى سۋ اعىنىنا قارسى تۇرا المادى.
كۇردەلى اۋا رايى جاعدايى الماتىنىڭ تومەنگى بولىگىندەگى جاعدايدى قيىنداتىپ جىبەردى.
قالالىق ت ج د مالىمەتتەرى بويىنشا، ەكى اپتا ىشىندە اۋلا اۋماقتارى مەن ءىشىنارا تۇرعىن ۇيلەردى سۋ باسىپ قالدى. اسىرەسە الاتاۋ اۋدانىندا سۋ باسۋىنىڭ 87 وقيعاسى، ناۋرىزباي اۋدانىندا - 17، جەتىسۋ اۋدانىندا - 15، مەدەۋ اۋدانىندا - بەس جانە تۇركىسىب اۋدانىندا ءۇش وقيعاسى ورىن الدى. بارلىعى 18 جەكە ءۇيدى جانە 109 اۋلا اۋماقتارىن سۋ باستى.
اۋا رايى تۋدىرعان كۇردەلى جاعدايعا بايلانىستى قالانىڭ شۇعىل قىزمەتتەرى كۇشەيتىلگەن جۇمىس رەجيمىنە كوشتى، اپات سالدارىن جويۋ جۇمىستارى جالعاسۋدا. 109 قۇتقارۋ قىزمەتى «العاباس»، «شاڭىراق» جانە «وجەت» شاعىن اۋداندارىنداعى سۋ باسقان اۋلالاردان سۋ سورعىزۋدى بىردە-ءبىر مينۋت توقتاتقان جوق.
توتەنشە جاعدايلاردى جويۋعا 180 گە تارتا ادام، 109 قىزمەتى، الماتى ت ج د، اۋداندىق اكىمدىكتەر قىزمەتى، سونداي-اق 53 بىرلىك تەحنيكا، سونىڭ ىشىندە اۋىر ينجەنەرلىك قۇرالدار مەن 15 پومپا جۇمىلدىرىلدى.
قالانىڭ «109» جانە «112» قىزمەتتەرىنە جولدارعا، جاياۋسوقپاقتارعا، اۆتوموبيلدەرگە جانە ۇيلەرگە اعاشتاردىڭ قۇلاۋىنا بايلانىستى شاقىرۋلار ودان ءارى ءتۇسىپ جاتىر.
قۇتقارۋشىلار الماتىلىقتار مەن قالا قوناقتارىنا كوشەدە اباي بولۋعا جانە اپاتتان سىنعان اعاشتار ماڭىندا بولماۋعا كەڭەس بەرەدى.
سونمەن بىرگە، سۋ تولعان ارىقتارعا جاقىنداماۋدى ەسكەرتەدى، جۇرگىنشىلەردىڭ ارىقتارعا ءتۇسىپ كەتۋ وقيعالارى تىركەلگەن.
سينوپتيكتەردىڭ بولجامىنا سايكەس، تاياۋداعى تاۋلىكتەردە الماتىدا كوشپەلى بۇلت شىعادى، تۇندە جانە تاڭەرتەڭ جاڭبىر جاۋىپ، نايزاعاي وينايدى. جەل وڭتۇستىك-باتىستان، جىلدامدىعى 2-7 م/س، نايزاعاي جارقىلداپ تۇرعان كەزدە ۇيتقۋى 12 م/س- قا دەيىن جەتەدى. تەمپەراتۋرا تۇندە - 8-10؛، كۇندىز 17-19؛ جىلى.
الماتى وبلىسىندا 19- جانە 20- مامىر كۇندەرى كەي جەرلەردە جاڭبىر جاۋىپ، نايزاعاي ويناۋى كۇتىلەدى. جەل سولتۇستىك-شىعىستان، شىعىستان، جىلدامدىعى 9-14 م/س، كەي جەرلەردە 17-22 م/س. تەمپەراتۋرا تۇندە 2-7؛، كۇندىز 15-20؛ جىلى.
