21:11, 17 - مامىر 2016 | GMT +5
گەرمانيادا ۇشاق شۇعىل تۇردە قونۋعا ءماجبۇر بولدى
استانا. قازاقپارات - اۋە كەمەسى Germanwings اۋە كومپانياسىنىڭ مەنشىگىندە.
ۇشاق درەزدەننەن ديۋسسەلدورفقا باعىت العان. ونىڭ بورتىندا 147 ادام - 142 جولاۋشى جانە ەكيپاجدىڭ 5 مۇشەسى بولعان.
ۇشقىش اۋەدە كابينانىڭ تۇتىنگە ورانعانىن حابارلاپ، شۇعىل تۇردە قونۋدى سۇرادى. بۇل ساتتە ديسپەتچەرلەر وقيعا ورنىنا اۋەجايدىڭ ءورت سوندىرۋشىلەرى مەن قالالىق ءورت ءسوندىرۋ قىزمەتىن شاقىردى.
جولاۋشىلار قاۋىپسىز جەرگە شىعارىلدى. ەشكىم زارداپ شەكپەگەنى حابارلانىپ وتىر. تۇتىندەنۋ سەبەپتەرى انىقتالۋدا. الدىن الا شامالاۋ بويىنشا، بۇعان تەحنيكالىق اقاۋ سەبەپ بولعان.
