مانشۇك مامەتوۆانىڭ پۋلەمەتى تۋعان جەرىنە جەتكىزىلدى - كەسكىن

استانا. قازاقپارات - ورالداعى مەموريالدىق مۋزەي ءۇيىنىڭ قىزمەتكەرلەرى نەۆەل قالاسىنان ولجامەن ورالدى.

مۋزەيدىڭ باسشىسى، كوپ جىلدان بەرى سۇراپىل سوعىستىڭ ءتۇپ تاريحىن زەرتتەپ جۇرگەن سۆەتلانا بەكتەنوۆا بۇل جولى مانشۇكتىڭ پۋلەمەت بولشەكتەرىن باتىر تۋعان توپىراققا الىپ كەلىپتى. قارۋدىڭ ۇڭعىسى مەن قالقانى جانە وزگە دە ۇساق- تۇيەك بولشەكتەرى جاقسى ساقتالعان. «ەرلىكپەن قازا تاپقان قايسار قىزدىڭ كوپ زاتى ءقازىر مۋزەيدە تۇر. ءبىراق بۇل جولعى جادىگەردىڭ ءجونى بولەك»، - دەيدى ماماندار.

سۆەتلانا بەكتەنوۆا، مانشۇك مامەتوۆا اتىنداعى مەموريالدىق مۋزەي ءۇيىنىڭ ديرەكتورى:

- بۇگىن ءبىزدىڭ مۋزەيىمىز ءۇشىن ۇلكەن جاڭالىق، سەنساتسيا. مانشۇك مۋزەيىنە وسىنداي مانشۇكتىڭ پۋلەمەتى كەلدى. ونى نەۆەل قالاسىنان تاپتىق. پاتريوتتىق «گۆوزديكا» وتريادى بىزگە قولىمىزعا بەردى. مەن وتە ريزامىن.

www.24.kz