فوتوگراف وزىنە ۇمتىلعان ايۋدى سۋرەتكە ءتۇسىرىپ الدى
كۋيالا ەتپەتىنەن سۋرەتكە ءتۇسىرىپ جاتقاندا، كەنەتتەن وبەكتيۆىنىڭ بىردەڭەنىڭ كولەگەيلەگەنەن بايقايدى. باسىندا ول مۇنى جۇگىرىپ كەلە جاتقان ءيت دەپ ويلاعان.
«قۇستار جان-جاققا ۇشىپ كەتتى، ال مەن ولاردىڭ نەدەن ۇرىككەنىن قاراي باستادىم. باسىندا ماعان قاراي ءيت جۇگىرىپ كەلە جاتىر دەپ ويلاعانمىن، ءبىراق ول ءبىر قوڭىر ايۋ ەكەن»، - دەيدى كۋيالا.
«ارينە، انيماليست فوتوگراف مۇنداي جاعداي تۋرالى قاشاندا ارمانداپ جۇرەدى. تابيعاتتى سۋرەتكە ءتۇسىرىپ جۇرگەنىمە 40 جىل بولدى، جانە سول ساتتە ومىرىمدە العاش رەت ءتىرى تابيعاتتا ايۋدى ءتۇسىرىپ الۋ مۇمكىندىگى پايدا بولعانىن ءتۇسىندىم. مەن كوپ ويلانباي، فوتواپپاراتىمدى الىپ، ونى سۋرەتكە تۇسىرە باستادىم»، - دەدى فوتوگراف.
كۋيالا ورنىنان تۇرماي، جاتقان كۇيىندە ايۋدى تۇسىرە بەردى. «ايۋ ماعان وتە جاقىن كەلدى. مەن تۇرەگەلدىم. جىرتقىش مەنى كورە سالىپ، كىلت توقتادى. ءبىر مينۋتتاي ويلانىپ تۇرىپ، كەرى قايتتى»، - دەدى ول.
كۋيالا بۇل كەزدەسۋدە بويىندا ەش قورقىنىش بولماعانىن ايتىپ وتىر.
«مەن قاۋىپ تۋرالى ويلاعان دا ەمەسپىن. ايۋ ازىق ىزدەگەن جوق، ول ءومىرىن ساقتاپ قالۋ ءۇشىن بىرەۋدەن قاشىپ كەلە جاتقان»، - دەدى فوتوگراف.
فوتوگراف تۇسىرگەن سۋرەتىن فەيسبۋكتەگى پاراقشاسىنا جۇكتەدى. ونى 24 مىڭ ادام ۇناتىپ، الەۋمەتتىك جەلى پايدالانۋشىلارى 3,5 مىڭ رەت بولىسكەن.
