قازاقستان جىلقى اۋرۋلارىنان تازا ەلدىڭ مارتەبەسىن الۋى ىقتيمال

استانا. قازاقپارات - قازاقستان جىلقى اۋرۋلارىنان تازا ەلدىڭ مارتەبەسىن الۋى مۇمكىن.

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا اۋىل شارۋاشىلىعى ۆيتسە-ءمينيسترى گۇلميرا يسايەۆا ءمالىم ەتتى.

ونىڭ ايتۋىنشا، بۇنداي مارتەبە ەلىمىزدە سپورتتىق جىلقى شارۋاشىلىعىن كەڭىنەن دامىتۋعا مۇمكىندىك بەرەدى. وسى رەتتە ۆيتسە-مينيستر اسىل تۇقىمدى تۇلپارلاردىڭ يەلەرى كوبىنەسە جىلقى اۋرۋلارى كەڭ تارالعان ەلدەردەگى بايگەلەرگە قاتىسۋ تاۋەكەلىنە بارمايتىنىن اتاپ ءوتتى.

«ەگەر دە قازاقستان جىلقى اۋرۋلارىنان ەركىن ەل مارتەبەسىنە السا، ءبىز حالىقارالىق ات جارىستارىن وتكىزۋ ءۇشىن پايدالانىلاتىن ايماقتاردى بەلگىلەيمىز. بۇل تۇرعىدا ءداستۇرلى تۇردە الماتى جانە اقمولا وبلىستارى قامتىلماق. وسى ورايدا ءبىز ەلىمىزدە حالىقارالىق جارىستاردى قابىلداي الامىز»، - دەپ اتاپ ءوتتى گ. يسايەۆا.

اۆتور: رۋسلان عابباسوۆ