تورەعالي تورەالى جەكە كونسەرتىنە ەركە ەسماحاندى شاقىرمايدى

استانا. قازاقپارات - تانىمال ءانشى تورەعالي تورەالى الداعى جەكە كونسەرتىنە «اللو!» ءانىن بىرگە شىرقاعان ارىپتەسى ەركە ەسماحاندى شاقىرمايدى.

بۇل تۋرالى NUR. KZ ءتىلشىسى ءانشىنىڭ وكىلىنە حابارلاسىپ ءبىلدى.

تىلشى ءانشىنىڭ وكىلى فاريدامەن تىلدەسىپ، الداعى جوسپارلانعان كونسەرتتىڭ وتكەن كونسەرتتەن قانداي ەرەكشەلىگى قانداي ەكەنىن بىلمەك بولدى.

ءانشىنىڭ وكىلى تورەعالي تورەالىنىڭ ازىرگە قانداي ارىپتەستەرى كونسەرتكە قاتىساتىنىن ناقتى ايتا المايتىنىن جەتكىزدى. دەگەنمەن ەركە ەسماحاننىڭ بولمايتىنىن كەسىپ ايتتى.

«ساحنادا باسقا دا ونەر جۇلدىزدارىنان كىم بولاتىنى بەلگىسىز. ءبىراق ەركە ەسماحان بولمايدى»، - دەدى ول.

كونسەرتتىڭ ەرەكشەلىگىنە توقتالىپ وتكەن فاريدا، كەش 3D فورماتىندا وتەتىنىن، اندەر فونوگرامماسىز، وركەستردىڭ سۇيەمەلدەۋىمەن جاندى داۋىستا شىرقالاتىنىن، باعدارلامانىڭ %90 ى جاڭا اندەردەن قۇرالىپ، ساحنالىق كوستيۋمدەرى قايتالانبايتىنىن جەتكىزدى.

ەسكە سالا كەتسەك، ءانشىنىڭ بۇعان دەيىن جەكە كونسەرتى وسىدان جارتى جىل بۇرىن، وتكەن جىلدىڭ 11-قاراشاسىندا عانا «ۇلى دالا بالاسى» اتاۋىمەن وتكەن بولاتىن. شىعارماشىلىق كەشىن دۇركىرەتىپ وتكىزگەن تورەعالي تورەالى اراعا التى اي سالىپ تاعى دا ءوز تىڭدارماندارىن «قازاق قىزعا ۇيلەنەمىن» اتتى جاڭا ءان كەشىنە شاقىرادى.

كەش 22-مامىر كۇنى الماتىداعى رەسپۋبليكا سارايىندا وتەدى.

ايتا كەتسەك، «ەل اۋزىندا» باعدارلاماسىنا سۇحبات بەرگەن تورەعالي تورەالىنىڭ اكەسى ءارى پروديۋسەرى تورەالى تولەپ ەركە ەسماحاندى «اللو» ءانىنىڭ ارقاسىندا تانىمال بولدى دەگەنى بايان ەسەنتايەۆانىڭ قىتىعىنا تيگەن. بۇعان شامدانعان ەسەنتايەۆا تورەعاليدىڭ اكەسىنىڭ بىلىقتارىن جايىپ سالعان ەدى.

ال «اللو» ءانىن شىرقاپ، كوپشىلىكتىڭ ىقىلاسىنا بولەنگەن ەركە ەسماحان ارىپتەسىنىڭ اكەسى جايلى ارتىق ءسوز ايتقىسى كەلمەيتىنىن ايتقان.