اسكەري مەديكتەر مەن مەرگەندەر حالىقارالىق ارميا ويىندارىنا دايىندالىپ جاتىر - فوتو
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
«اسكەري- مەديتسينالىق ەستافەتا» جانە «مەرگەن شەبى» بايقاۋلارىنا دايىندىق باستالىپ تا كەتتى. وندا رەسەيدە وتەتىن 2016 -جىلعى ارميا ويىندارىنىڭ حالىقارالىق كەزەڭدەرىنە قاتىساتىن قازاقستاندىق قارۋلى كۇشتەردىڭ ەڭ ۇزدىك اسكەري قىزمەتشىلەرى ىرىكتەلەتىن بولادى.
دايىندىق جاتتىقتىعۋىنا 415 اسكەري قاتىسادى. ەلىمىزدىڭ شامامەن 120 بىرلىك اسكەري تەحنيكاسى تارتىلدى. قۇرلىق اسكەرلەرىنىڭ اسكەري قىزمەتشىلەرى «تانك بياتلونى»، «مەرگەن شەبى»، «دەسانتتىق ۆزۆود»، «ارتيللەريالىق اتىس شەبەرلەرى»، «اسكەري- مەديتسينالىق ەستافەتا» جانە كوپتەگەن باسقا دا بايقاۋلار بويىنشا سايىستىڭ بارلىق كەزەڭدەرىن اياقتاعاندارىن ەستەرىڭىزگە سالا كەتەيىك.
بارلىق قاتىسۋشىلار كەدەرگىلەردى ەڭسەردى، قويىلعان تاپسىرمالاردى ورىندادى جانە وزدەرىنىڭ جاۋىنگەرلىك دايارلىقتارىن كورسەتتى.
بيىل ارميا حالىقارالىق ويىندارى - 2016 العاش رەت قازاقستان اۋماعىندا وتەدى. وندا اسكەريلەر «مەرگەن شەبى» جانە «ارتيللەريالىق اتىس شەبەرلەرى» اتتى ەكى بايقاۋ بويىنشا تارتىسقا تۇسەتىن بولادى.
قالعان بايقاۋلارعا قاتىسۋ ءۇشىن حالىقارالىق كەزەڭگە دايىندىقتى اياقتاعاننان كەيىن ۇزدىك قاتىسۋشىلار رەسەي فەدەراتسياسىندا باق سىناسۋدى جالعاستىرادى. وندا قارسىلاستارى شەتەل ارميالارىنىڭ اسكەري قىزمەتشىلەرى بولماق.
