بەلگىلى تەلەجۋرناليست ايگەرىم سەيفۋللا دەنساۋلىعىندا كىنارات پايدا بولعانىن ايتتى

استانا. قازاقپارات - وتاندىق ارنالاردىڭ (استانا تەلەارناسىندا - رەد.) بىرىندە «سىرلاسۋ» باعدارلاماسىن جۇرگىزەتىن تانىمال جۋرناليست ايگەرىم ءابىلدينا (ايگەرىم سەيفۋللا دەپ تە ايتىلادى - رەد.) ءوزىنىڭ جۇكتى ەمەس ەكەنىن ايتتى.

وسى ۋاقىتقا دەيىن جەلى قولدانۋشىلارى ونىڭ ارتىق سالماق قوسقانىن بايقاپ، جۇكتىلىگىمەن قۇتتىقتاعان بولاتىن.

بۇل تۋرالى Stan.kz حابارلايدى.

ەلىمىزگە تانىمال جۋرناليست ايگەرىم ءابىلدينانى جەلى قولدانۋشىلارى جۇكتىلىگىمەن قۇتتىقتاپ، اق تىلەكتەرىن جاۋدىرعان بولاتىن. جۋرناليست وكىنىشكە وراي بار بولعانى ارتىق سالماق قوسىپ العانىن ايتتى. ول دەنساۋلىعىنداعى كىناراتقا بايلانىستى پەرزەنت سۇيە الماي ءجۇر ەكەن.

«اينالايىن مەنىڭ دوستارىم، وقىرماندارىم، كەيىنگى ۋاقىتتا ماعان قۇتتى بولسىن ايتىپ حابارلاسۋشىلار، سوسىن ينستا- پاراقشاما «امان- ەسەن جانىڭىز قالسىن، جۇكتى ەكەنسىز، سىزدە ۇل بولادى بۇل جولى» دەپ تىلەك قالدىرۋشىلار كوبەيدى. راس، ءبىر جىلدىڭ كولەمىندە سالماق قوسىپ تولىسا باستادىم. ءبىراق، مەن وكىنىشكە قاراي جۇكتى ەمەسپىن. دەنساۋلىعىمدا ءبىر كىنارات بولىپ، گورموندىق وزگەرىستەرگە ۇشىراعاندىقتان 5-6 ك گ قوستىم. سۇڭعاق بويلى بولماعاندىقتان قوسقان سالماق بىردەن كوزگە كورىنەدى. اللا جازسا، الداعى ۋاقىتتا ءبارى جاقسى بولادى جانە قايتا قالپىما كەلەمىن»، - دەپ جەلى قولدانۋشىلارىنا العىس ايتتى.

بۇل جاڭالىقتى ەستىگەن جەلى قولدانۋشىلارى مۇڭايىپ قالعان-دى. اراسىندا «ەڭ باستىسى امان بولىڭىز»، «اللا شيپاسىن بەرسە، ءبارى جاقسى بولار»، «ساۋىعىپ كەتىڭىز» دەپ قولداۋ كورسەتكەندەر دە بار. كەيبىرى جۋرناليستىڭ سۇراقتى تىكەسىنەن قوياتىنىن ايتىپ سىناپ العان.