تانىمال سانگەر: ءمادينا سادۋاقاسوۆامەن بىرىگىپ جۇمىس ىستەۋ قيىن - فوتو
وبراز بەن كليپمەيكەرلەر جاڭا بولسا دا، ءاننىڭ ءوزى وسىدان بىرنەشە جىل بۇرىن جازىلعان. كورەرمەنگە ۇسىنىلعان تۋىندى سىننىڭ استىندا قالدى. جۇرت تاقىرىبى تۇسىنىكسىز انگە ساي ەمەس، شەتەلدىك بەينەباياننىڭ كوشىرمەسى دەپ ايىپتادى. مۇنىمەن قاتار، سانگەر ءتۇسىرىلىم كەزىندە سادۋاقاسوۆامەن جۇمىس ىستەۋدىڭ قيىنعا سوققانىن ايتادى.
بۇل تۋرالى "31 ارنا" حابارلايدى.
بەينەباياننىڭ تاقىرىبى مەن سيۋجەتىن سىنعا العان حالىق ءانشىنىڭ جاڭا وبرازىن جاقتىرمادى. قونىمدى كويلەكتەر، كوزدىڭ جاۋىن الاتىن اشەكەيلەردى ءانشى تانىمال ستيليست رافاەل رومەنمەن بىرىگىپ وتىرىپ تاڭداعان. سانگەر بۇل تاندەمدە بىرىگىپ تاڭداۋ جاساۋدىڭ قيىنعا سوققانىن ايتادى.
ستيليست پەن ءانشىنىڭ سوزگە كەلىپ، ۇرىسىپ قالا جازداعانى تاڭدالعان كيىمدەرگە بايلانىستى. بىرەسە كيەمىن، بىرەسە كيمەيمىن دەگەن ءانشىنىڭ ەركەلىگىن رومەن مىرزا كوتەرە الماعان سياقتى. ءانشى اسىرەسە كوستيۋم شالبار كيۋگە قارسىلىق بىلدىرگەن.
«ءبىز كەزدەسىپ بارلىعىن اقىلداستىق. ءبىراق بارلىعى سىزدەر ويلاعانداي ءمىنسىز بولمادى. ۇزاق ۋاقىت ءسوز تالاستىرىپ، ءتىپتى ۇرىسىپ تا كەتتىك. ناتيجەسىندە بارلىعى ءوزىم قالاعانداي بولدى. ول Max Mara پيدجاگىن كيگىسى كەلمەدى. بارىنەن دە وعان شالبارلى كوستيۋمدى كيۋ قيىنعا سوقتى. ول قاراپايىم وبراز بولاتىن. وعان ۇنەمى ءبىر نارسە جەتىسپەي تۇرعانداي كورىنە بەردى»- دەيدى رافاەل رومەن.
ءانشى شاش ۇلگىسىن وزگەرتىپ، ەرەكشە ۇلگىدەگى كيىمدەردى كيۋگە كەلىسكەنىمەن، وبرازعا كىرۋدىڭ قيىنعا سوققانىن ايتادى.
«وبرازدى اشۋ قيىنعا سوقتى. وسىعان دەيىنگى بەينەبايانداردا ەركەلەپ جۇرەتىن ءمادينانىڭ قايعىرۋى كەرەك بولدى. ال مەن جىلاي المادىم. باستى كەيىپكەر باقىتتى تولىقتاي سەزىنە الماي ءجۇر. ويتكەنى بۇرىنعى ماحابباتى جۇرەگىندە ءىز قالدىرعان. قايتا- قايتا ويىنا ورالىپ، سول ماحابباتى تۋرالى ويلاي بەرەدى. تولىقتاي سول باقىتتى سەزىنە الماعاندىقتان، بارىمەن قوش ايتىسىپ، جاۋىپ، جاندىرىپ جىبەرگىسى كەلەدى. ماحاببات تا كەتسىن، ۇيدە ورتەنسىن. مۇنىڭ بارلىعىن رەجيسسەر ويلاستىردى»، - دەپ ءسادۋاقاسوۆا ءاننىڭ تاقىرىپپەن بايلانىسىن ءتۇسىدىردى.
مازمۇنى ماحابباتقا ارنالعان بەينباياندا ءمادينانى قۇشاقتاپ جۇرگەن جىگىتتىڭ كىم ەكەنى كورىنبەيدى. كەي ادام جولداسى قىزعانۋى مۇمكىن دەپ وسىلاي جاساعانىن ايتقان. دەسە دە، ءانشى بەينەباياننىڭ جەكە ومىرىنە ەشقانداي دا قاتىسى جوق ەكەنىن تىلگە تيەك ەتتى.
«جىگىتتىڭ ءجۇزىن كورسەتپەۋدى رەجيسسەر ۇسىندى. ويتكەنى قىزدىڭ دا، جىگىتتىڭ دە رولىندە كەز كەلگەن ادام بولۋى مۇمكىن. ال مەن جەتكىزۋشى، ورىنداۋشى بولعاندىقتان، اشىق بولدىم. ونىڭ استارىندا ەشنارسە جوق. جانە بۇل بەينەباياندى مەنىڭ جەكە وتكەن ومىرىممەن بايلانىستىرۋدىڭ دا قاجەتى جوق»، - دەپ ءانشى حالىقتان الىپ قاشپا ءسوز تاراتپاۋدى سۇرادى.
مۇنىمەن قاتار، كوپ ادام ۋكراينالىق رەجيسسەرلەردىڭ ءسادۋاقاسوۆانى الداپ سوققانىن ايتادى. ولار ءانشىنىڭ جاڭا تۋىندىسىن دەمي لوۆاتونىڭ "Stone Cold" اتتى انگە تۇسىرىلگەن بەينەبايانىنا ۇقساتقان.
«ول قالاي پلاگيات بولادى؟ ماحاببات، عاشىقتىق سەزىمىن سەزىنگەندە ادام جىلايدى، كۇلەدى، توڭادى، ىستىقتايدى. رەجيسسەر الماتىنىڭ تاۋلارىن دا ءتۇسىرىپ، ونى ۋكراينالىق دوستارىنا كورسەتكىسى كەلدى. ءبىز ءتۇسىرىلىم بارىسىندا كەي جەرلەرىن وزگەرتىپ وتىردىق. ءمادينا ءوزى قۇپياعا تولى جان. بارلىعى ءمادينا تۋرالى ءبارىن بىلەمىز دەپ ويلايدى. الايدا مەنىڭ ىشىمدە اقتارىلماعان سىر كوپ»، - دەپ ءسادۋاقاسوۆا تىڭدارماندارىن توسىن سىي ازىرلەپ جاتقانىن ايتتى.
ءانشى ءدال قازىر «جۇلدىزىم» اتتى انگە بەينەبايان ءتۇسىرىپ جاتىر. اتالعان بەينەباياندا ءان ايتىپ قانا قويماي، ءبي بيلەپ جۇرتتى تاڭ قالدىرماق.
