وزبەكستاندا وزبەك ءتىلى مەن ادەبيەتى ۋنيۆەرسيتەتى قۇرىلادى

استانا. قازاقپارات -  وزبەكستان پرەزيدەنتى يسلام كاريموۆ الىشەر ناۋاي اتىنداعى وزبەك ءتىلى مەن ادەبيەتىنىڭ تاشكەنت ۋنيۆەرسيتەتىن قۇرۋ تۋرالى جارلىققا قول قويدى.

پرەزيدەنت جارلىعىندا وزبەك ءتىلى مەن ادەبيەتىنىڭ ەرەكشەلىكتەرى، يىرىمدەرى ەسكەرىلە وتىرىپ، ونىڭ تاريحي دامۋىن قازىرگى كۇنمەن بايلانىستۋ ماسەلەسى زەرتتەۋلى كەرەك ەكەندىگىن ايتىلعان.

 سونىمەن قاتار، جاھاندانۋ جاعدايىندا وزبەك ءتىلى مەن ادەبيەتىن زەرتتەۋ، ءبىلىم بەرۋ مەن تاربيەدە وزبەك ءتىلى مەن ادەبيەتىن تەرەڭدەتىپ وقىتۋ، مامان دايارلاۋدىڭ ساپاسىن ارتتىرۋ ماسەلەسى قاراستىرىلاتىنى دا ەسكەرسىلسە كەرەك.

جاڭا وقۋ ورىنى ميرزو ۋلۋگبەك اتىنداعى وزبەكستان مەملەكەتتىك ۋنيۆەرسيتەتىنىڭ فيلولوگيا فاكۋلتەتىنىڭ، نيزامي اتىنداعى تاشكەنت مەملەكەتتىك پەداگوگيكالىق ۋنيۆەرسيتەتىنىڭ وزبەك ءتىلى مەن ادەبيەتى فاكۋلتەتى، عىلىم اكادەمياسىنىڭ الىشەر ناۋاي اتىنداعى ءتىل مەن ادەبيەت ينستيتۋتى بازاسىندا قۇرىلماق. ۋنيۆەرسيتەت قۇرامىندا ءۇش فاكۋلتەت بولادى. ولار - وزبەك فيلولوگياسى، وزبەك ءتىلى مەن ادەبيەتىن وقىتۋ، وزبەك- اعىلشىن اۋدارماسى فاكۋلتەتتەرى.

سونىمەن قاتار، ۋنيۆەرسيتەت جانىنان وزبەك ءتىلى مەن ادەبيەتىن زەرتتەۋ عىلىمي ورتالىعى دا اشىلادى. ءارى عىلىم اكادەمياسىنىڭ الىشەر ناۋاي اتىنداعى مەملەكەتتىك ادەبيەت مۋزەيى دە وسى ۋنيۆەرسيتەتتىڭ قۇرامىنا كىرەتىن بولدى. ۋنيۆەرسيتەت 2016-2017 وقۋ جىلىندا العاشقى ستۋدەنتتەردى قابىلدايدى.

turknews.kz