12:19, 17 - مامىر 2016 | GMT +5
قوجا احمەت ياسساۋي كەسەنەسىنىڭ اينالاسىن اباتتاندىرۋ ءۇشىن تۇركيا ينۆەستيتسيا بەرۋگە دايىن
استانا. قازاقپارات - قوجا احمەت ياسساۋي كەسەنەسىنىڭ اۋماعىن اباتتاندىرۋ ءۇشىن تۇركيانىڭ كومپانياسى ينۆەستيتسيا سالۋعا دايىن.
بۇل تۋرالى قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ وتىرىسىندا ەلىمىزدىڭ مادەنيەت جانە سپورت ۆيتسە- ءمينيسترى عالىم احمەدياروۆ ءمالىم ەتتى.
2015 -جىلى اتقارىلعان جۇمىستاردى قورىتىندىلاي كەلە ۆيتسە- مينيستر: «كيەلى تۇركىستانداعى قوجا احمەت ياسساۋي كەسەنەسىنىڭ اۋماعىن اباتتاندىرۋ ءۇشىن ينۆەستيتسيا تارتتىق. قازىر ينۆەستورلارمەن ارادا جوبانى كەلىسۋ جۇمىسى ءجۇرىپ جاتىر. بۇل رەتتە، تۇركيالىق كومپانيا ەسكەررتكىشتىڭ تەرريتورياسىن دامىتۋ ءۇشىن ينۆەستيتسيا سالۋعا دايىن»، - دەپ ءمالىم ەتتى.
ايتا كەتەيىك، قوجا احمەت ياسساۋي كەسەنەسىنەن وزگە، قازاقستان بويىنشا تامعالى پەتروگليفتەرى مەن تالعار قالاشىعى دا يۋنەسكو- نىڭ نازارىن اۋدارعانى بەلگىلى.
اۆتور: كەنجەكەي توقتامۇرات قىزى
