مايك تايسوننىڭ جەكپە-جەگىندەگى كادردان قولدانۋشىلار تىلسىم دۇنيە تاۋىپ الدى - فوتو
زەرتتەۋشىلەر كادرلاردىڭ بىرىنەن 2000-جىلدارى عانا پايدا بولا باستاعان سمارتفونعا ۇقساس قۇرىلعىنى ۇستاپ وتىرعان كورەرمەنگە نازار اۋدارعان.
باتىستىڭ ب ا ق- تارى جازىپ شىققاننان كەيىن ينتەرنەت قولدانۋشىلارى ەر ادامنىڭ قولىندا قانداي قۇرىلعى بار ەكەنىن انىقتاۋمەن باس قاتىرىپ جاتىر.
ءبىر انىعى، ءسوز بولىپ وتىرعان ۆيدەو مونتاج ەمەس، سەبەبى ول ارحيۆتەن الىنعان. كونسپيرولوگتاردىڭ ايتۋىنشا، جەكپە-جەكتىڭ كادرلارى ۋاقىت ماشيناسىنىڭ بار ەكەنىنىڭ دالەلى، ال تىلگە تيەك ەتىلىپ وتىرعان ادام ۋاقىت ساياحاتتاۋشىسى جانە ول اڭىزعا اينالعان بوكسشىنىڭ جەكپە-جەگىن كورۋ ءۇشىن تاريحقا ورالعان.
ال كەيبىر ماماندار قۇرىلعىنىڭ ەرتەدە شىققان سيفرلىق كامەرا ەكەنىن ايتىپ وتىر، قولدانۋشىلاردىڭ ءبىر بولىگى تومەندەگى سۋرەتتە بەينەلەنگەن قۇرىلعىلاردى مەڭزەگەن.
الايدا قولدانۋشىلاردىڭ ەشقايسىسى كورەرمەننىڭ ناقتى قانداي قۇرىلعى ۇستاپ وتىرعانىن ايتا المادى.
tengrinews.kz
