ءىلياس جانسۇگىروۆتىڭ «قۇلاگەر» پوەماسى نەمىس تىلىنە اۋدارىلدى

استانا. قازاقپارات - بيىل نەمىس تىلىندەگى باي ادەبي قور قازاق اقىنى ءىلياس جانسۇگىروۆتىڭ «قۇلاگەر» پوەماسىمەن تولىقتى، دەپ حابارلادى «ادەبيەت» پورتالى.

پوەما نەمىس تىلىنە قازاقشا ءتۇپ نۇسقاسىنان تىكەلەي اۋدارىلىپ، قازاقستان- گەتە ينستيتۋتىنىڭ قولداۋىمەن «Büchergilde» (گەرمانيا) باسپاسىندا باسىلىپ شىقتى.

پوەمانىڭ نەمىس تىلىندەگى نۇسقاسىنىڭ اۆتورى - نەمىس جازۋشىسى گەرت حايدەنرايح.

قازاق حالقىنىڭ مادەنيەتى مەن ونەرىن، تاريحى مەن سالت-ءداستۇرىن نەمىس ءتىلدى وقىرماندارعا كەڭىنەن تانىستىراتىن «قۇلاگەر» پوەماسىنىڭ العاشقى تۇساۋكەسەرى بيىلعى ناۋرىز ايىندا لەيپتسيگ قالاسىندا كەزەكتى حالىقارالىق كىتاپ جارمەڭكەسىندە (Leipziger Buchmesse) وتكەن ەدى.

2016-جىلدىڭ 25-27- مامىر كۇندەرى «قۇلاگەردىڭ» نەمىس تىلىندەگى اۋدارماسىنىڭ تۇساۋكەسەرى استانا مەن الماتى قالالارىندا دا وتەدى دەپ جوسپارلانعان.

اتالعان شاراعا وسى جوباعا قاتىسقان اۋدارماشىلار مەن ءىلياس جانسۇگىروۆتىڭ قىزى - يلفا ءىلياس قىزى ارنايى شاقىرىلىپ وتىر.

اۋدارمانىڭ تۇساۋكەسەرىن تانىمال تەلەجۇرگىزۋشى، اقىن جاڭىل اسىلبەكوۆا جۇرگىزەدى.