قازاقستاندا ۇرلانعان ۇيالى تەلەفون بۇعاتتالاتىن بولادى
ءوزارا ءىس-قيمىلى تۋرالى مەموراندۋمعا قول قويىلدى، دەپ حابارلادى ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ كوميتەتىنىڭ باسپا ءسوز قىزمەتى.
اتالعان قۇجاتتى ازىرلەۋگە جانە قابىلداۋعا ۇيالى تەلەفونداردىڭ ۇرلانۋىنا بايلانىستى قالىپتاسقان احۋال نەگىز بولدى. جىل سايىن قازاقستاندا 60 مىڭعا جۋىق ۇيالى بايلانىس قۇرالى ۇرلانادى، ولاردىڭ ىشىنەن ىشكى ىستەر ورگاندارى ورتاشا شامامەن 2,5 مىڭىن انىقتاپ، زاڭدى يەلەرىنە قايتارا الادى.
وعان قوسا «بايلانىس تۋرالى» زاڭعا، سونداي-اق ۇيالى بايلانىس قىزمەتىن كورسەتۋ قاعيدالارىنا سايكەس، ابونەنتتىك قۇرالداردىڭ جۇمىسىن ІМЕІ- كودى بويىنشا توقتاتۋدى ۇيالى بايلانىس وپەراتورلارى ابونەنت ءتيىستى وتىنىشپەن جۇگىنگەن جاعدايدا عانا ىسكە اسىرادى.
«الايدا، كوبىنەسە بۇلاي بولمايدى، كوپتەگەن ادامدار بۇل مەحانيزم جايلى بىلمەيدى، ال باسقالارى ۋاقىتتىڭ جوقتىعىنان نەمەسە وزگە دە سەبەپتەر بويىنشا ءوتىنىش بەرگىسى كەلمەيدى»، - دەپ اتاپ وتەدى قاداعالاۋ ۆەدومستۆوسى.
ەندىگى ۋاقىتتا، قول جەتكىزىلگەن كەلىسىم بويىنشا، ىشكى ىستەر ورگاندارى ۇيالى قۇرالدارى جوعالعان جابىرلەنۋشىلەرگە ۇيالى بايلانىس وپەراتورلارىنىڭ مەكەنجايىنا ۇيالى تەلەفوننىڭ جۇمىسىن ІМЕІ- كودى ارقىلى توقتاتۋ - بۇعاتتاۋ تۋرالى وتىنىشپەن جۇگىنۋلەرى قاجەتتىگىن ءتۇسىندىرۋى قاجەت.
ۇيالى بايلانىس قۇرالدارىنىڭ جۇمىسىن ІМЕІ- كودى بويىنشا توقتاتۋ پراكتيكاسىن كەڭىنەن قولدانۋ ءۇشىن، ىشكى ىستەر ورگاندارى ارقىلى ۇيالى بايلانىس وپەراتورلارىنىڭ مەكەنجايىنا وتىنىشپەن جۇگىنۋ قاجەت، دەپ ناقتىلادى ق ر باس پروكۋراتۋراسى.
