استاناداعى ەكسپو كورمەسىنە كىرۋ قۇنى كينو بيلەتتەرىنىڭ باعاسىنان اسا كوپ قىمبات بولمايدى

استانا. قازاقپارات - استاناداعى ەكسپو كورمەسىنە حالىقارالىق دەڭگەيدە بيلەت ساتۋعا ءبىر ايدان از ۋاقىت قالدى.

بۇگىن «استانا ەكسپو-2017» ۇ ك» ا ق- نىڭ قوعامدىق كەڭەسىنىڭ ەكىنشى وتىرىسىندا كومپانيانىڭ باسقارما ءتوراعاسى احمەتجان ەسىموۆ وسىلاي ءمالىم ەتتى.

«اتاپ ايتقاندا، بيلەتتەر كاسسالار ارقىلى ەمەس، ونلاين تارتىپتە ساتىلادى. ال كاسسالارمەن تامىزعا قاراي وتكىزىلەدى»، - دەپ ناقتىلادى ا. ەسىموۆ.

ونىڭ سوزىنە قاراعاندا، ۇلتتىق كومپانيا حالىقارالىق كورمەلەر بيۋروسىمەن جۇرگىزگەن كەلىسسوزدەر بارىسىندا بيلەتتەرگە تومەنگى باعانى بەلگىلەۋگە مۇمكىن بولدى. وسى رەتتە كورمەگە بارۋعا قازاقستان ازاماتتارى ءۇشىن بارىنشا جەڭىلدىكتەر ەسكەرىلىپ وتىر.

«قازىرگى كەزدە كورمەگە كىرۋ قۇنى كينو بيلەتىنىڭ باعاسىنان ءبىرشاما قىمباتتاۋ بولاتىنىن ايتا الامىن. بيلەت وپەراتورى تاڭدالدى جانە جاقىن ارادا وسى جايىندا ەگجەي-تەگجەيلى بىلەتىن بولاسىزدار»، - دەدى ا. ەسىموۆ.

اۆتور: رۋسلان عابباسوۆ