18:23, 16 - مامىر 2016 | GMT +5
ءا. جاقسىبەكوۆ ن. نازاربايەۆقا استانانىڭ الەۋمەتتىك-ەكونوميكالىق دامۋى جونىندە باياندادى
استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ استانا قالاسىنىڭ اكىمى ادىلبەك جاقسىبەكوۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
ءا. جاقسىبەكوۆ مەملەكەت باسشىسىنا ەلوردانىڭ الەۋمەتتىك-ەكونوميكالىق دامۋى، باستى مەملەكەتتىك باعدارلامالاردىڭ ىسكە اسىرىلۋى جانە الداعى جىل جوسپارلارى تۋرالى بايانداپ بەردى.
كەزدەسۋ بارىسىندا قازاقستان پرەزيدەنتى بۇگىنگى تاڭدا قالانىڭ جالپى ىشكى ءونىمى 4 تريلليون 560 ميلليارد تەڭگەگە جەتىپ، ءوسىمىنىڭ قارقىنى بويىنشا ەلدە ءبىرىنشى ورىندا ەكەندىگىن اتاپ ءوتتى.
