امەريكالىق بوكسشىلار قازاقتىڭ كيىز ۇيىندە بولدى - فوتو

استانا. قازاقپارات - «ا ق ش- تىڭ قازاقستانداعى ەلشىشى دجوردج كرول ءوزىنىڭ كيىز ۇيىنە امەريكالىق ۇلتتىق بوكس كومانداسىن شاقىردى. قوناقتار قوناقجايلىلىققا ءتانتى بولدى!» - دەپ جازدى ەلشىلىكتىڭ فەيسبۋكتەگى رەسمي پاراقشاسى.

ايتا كەتەيىك، استانادا وتەتىن تورتكۇل دۇنيە كوز تىككەن بىلعارى قولعاپ شەبەرلەرىنىڭ باسەكەسىندە بيىل ريو-دە-جانەيرو قالاسىندا وتەتىن ХХХІ جازعى وليمپيادا ويىندارىنا 51، 60، 75 كەلىگە دەيىنگى سالماق دارەجەلەرىنىڭ ءارقايسىسىندا ءتورت جولداما ساراپقا سالىنادى. الەم چەمپيوناتى مامىردىڭ 19- كۇنى باستالىپ، 27- مامىرعا دەيىن جالعاسادى.