كرەملدىڭ «ۇلكەن سەگىزدىككە» وكپەسى قارا قازانداي

استانا. قازاقپارات - قازىرگى حالىقارالىق احۋالدا «ۇلكەن جيىرمالىقتىڭ» ماڭىزى «ۇلكەن سەگىزدىككە» قاراعاندا الدەقايدا زور.

بۇل تۋرالى رەسەي پرەزيدەنتىنىڭ باسپا ءسوز حاتشىسى دميتري پەسكوۆ پىكىر ءبىلدىردى، دەپ جازادى ر ي ا نوۆوستي.

«ارينە، رەسەيدىڭ قاندايدا ءبىر فورماتتارعا قاتىسۋ نەمەسە قاتىسپاۋ جايىندا پىكىرتالاس ورنايتىن بولسا، ول، ەڭ الدىمەن، رەسەيدىڭ وعان دەگەن قىزىعۋشىلىعىنىڭ بولۋ نەمەسە بولماۋىنان تۋىنداۋى كەرەك. سەبەبى قازىر رەسەيدىڭ «ۇلكەن سەگىزدىككە» دەگەن قىزىعۋشىلىعى بۇرىنعىداي ەمەس»، - دەدى مەملەكەت باسشىسىنىڭ باسپا ءسوز حاتشىسى.

بۇعان دەيىن پەسكوۆ رەسەيدىڭ «ۇلكەن سەگىزدىككە» ورالۋى كۇن تارتىبىندە تۇرعان ماسەلە ەمەس ەكەندىگىن جاريا ەتكەن بولاتىن.

10- ساۋىردە گ ف ر سىرتقى ىستەر ءمينيسترى فرانك-ۆالتەر شتاينمايەر كەزەكتى رەت رەسەيدى «ۇلكەن سەگىزدىككە» قايتارۋ ماسەلەسىن كوتەرگەن ەدى. الايدا، اعىمداعى جىلى ول ءۇشىن رەسەيدە ءتيىستى جاعداي جاسالماعان. G8 قاتارىنا كىرۋ ءۇشىن رەسەي الدىمەن ۋكراينا اراسىنداعى تەكەتىرەستى شەشىپ، سيريا بويىنشا كوزقاراسىن دۇرىستاۋى كەرەك.

ەستەرىڭىزگە سالا كەتەيىك، «ۇلكەن سەگىزدىك» ءوز جۇمىسىن قىرىم رەسەيگە قوسىلعان 2014-جىلدان باستاپ ءوز جۇمىسىن توقتاتقان بولاتىن. سول كەزدە الەمدىك دەرجاۆا كوشباسشىلارى رەسەيدىڭ توراعالىعىمەن سوچيدە ءوتۋى ءتيىس G8 سامميتىنە قاتىسۋدان باس تارتتى. ونىڭ ورنىنا بريۋسسەلدە G7 سامميتى (فرانسيا، ۇلى بريتانيا، ا ق ش، گەرمانيا، جاپونيا، يتاليا مەن كانادا) ءوتتى.

ال G20 توبىنا ەۋرووداقپەن قاتار الەمنىڭ ەڭ ءىرى 19 ەكونوميكاسى -  اۆستراليا، ارگەنتينا، برازيليا،  ۇلى بريتانيا، گەرمانيا، ءۇندىستان، يندونەزيا، يتاليا، كانادا، قىتاي، مەكسيكا، رەسەي، ساۋد ارابياسى، ا ق ش، تۇركيا، فرانسيا، وڭتۇستىك كورەيا، و ا ر مەن جاپونيا ەلدەرى كىرەدى.