ەربولات دوسايەۆ «بايتەرەك» ۇلتتىق باسقارۋشى حولدينگى باسقارما ءتوراعاسى بولىپ تاعايىندالدى

 استانا. قازاقپارات - ەلىمىزدىڭ بۇرىنعى ۇلتتىق ەكونوميكا ءمينيسترى ەربولات دوسايەۆ «بايتەرەك» ۇلتتىق باسقارۋشى حولدينگى باسقارماسىنىڭ ءتوراعاسى بولىپ تاعايىندالدى. حولدينگ باسشىسىن ۇجىمعا بۇگىن ق ر پرەمەر- ءمينيسترى كارىم ءماسىموۆ تانىستىردى.

ەسكە سالا كەتسەك، تاياۋدا اقوردادا مەملەكەت باسشىسى نۇرسۇلتان نازاربايەۆتىڭ توراعالىعىمەن وتكەن كەڭەستە ق ر ۇلتتىق ەكونوميكا ءمينيسترى ەربولات دوسايەۆ وتستاۆكاعا كەتۋگە ءوتىنىش بەرگەن ەدى. ق ر پرەزيدەنتى ءمينيستردىڭ ءوتىنىشىن قابىلداپ، وتستاۆكاعا جىبەرگەن.

 ە. دوسايەۆ 1970 -جىلى 21 - مامىردا الماتىدا تۋعان. ن. باۋمان اتىنداعى ماسكەۋ جوعارى تەحنيكالىق ۋچيليشەسىن، الماتى ەنەرگەتيكالىق ينستيتۋتىن بىتىرگەن «تۇران الەم بانكى» ج ا ق باسقارما ءتوراعاسىنىڭ ورىنباسارى، «ا ت ف بانك» ج ا ق باسقارما ءتوراعاسى قىزمەتتەرىن اتقاردى.

قازاقستان رەسپۋبليكاسى پرەمەر- ءمينيسترىنىڭ كەڭەسشىسى، ق ر ەنەرگەتيكا، يندۋستريا جانە ساۋدا ۆيتسە- ءمينيسترى، ق ر قارجى ۆيتسە- ءمينيسترى، قازاقستان دامۋ بانكى ديرەكتورلار كەڭەسىنىڭ ءتوراعاسى، ق ر تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى، ق ر قارجى ءمينيسترى، قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى، ق ر ۇلتتىق بانكىنىڭ باسقارما مۇشەسى، ق ر دەنساۋلىق ساقتاۋ ءمينيسترى، «قاز ينۆەست بانك» ا ق ديرەكتورلار كەڭەسىنىڭ ءتوراعاسى بولدى. 2012 - جىلعى 25 - قىركۇيەكتەن ق ر ەكونوميكالىق دامۋ جانە ساۋدا ءمينيسترى، ەكونوميكا جانە بيۋدجەتتىك جوسپارلاۋ ءمينيسترى قىزمەتتەرىن اتقاردى. وتستاۆكاعا كەتكەنگە دەيىن ەلىمىزدىڭ ۇلتتىق ەكونوميكا مينيسترلىگىن باسقاردى.

 اۆتور: مارلان جيەمباي