بەيجىڭدە زيكا بەزگەگىمەن اۋرۋدىڭ العاشقى وقيعاسى تىركەلدى

استانا. قازاقپارات - قىتاي استاناسىندا زيكا ۆيرۋسىنىڭ بەزگەگىمەن اۋرۋدىڭ العاشقى وقيعاسى تىركەلدى، دەپ حابارلادى ت ا س س.

بۇل تۋرالى بەيجىڭ دەنساۋلىق ساقتاۋ جانە جوسپارلى بالا تۋۋ ىستەرى كوميتەتى حابارلادى.

ونىڭ مالىمەتتەرى بويىنشا، 29 جاستاعى قىتاي ايەلى، شاندۇڭ پروۆينسياسىنىڭ تۇرعىنى بەيجىڭگە 13 -مامىردا ۆەنەسۋەلادان وسى اۋرۋ بەلىگلەرىمەن كەلگەن. زەرتحانالىق سىنامالار ونىڭ قانىندا زيكا ۆيرۋسى بار ەكەنىن قۋاتتادى. قازىرگى كەزدە ول ەمدەلۋدەن وتۋدە.

ال وڭتۇستىك قىتايلىق گۋاڭدۇڭ پروۆينسياسىندا جەكسەنبى كۇنى وسى سىرقاتقا ۇشىراعان 12- جاعداي انىقتالدى. 37 جاستاعى ايەل دە ۆەنەسۋەلادان كەلگەن، ونىڭ دەنەسىنە بورتپە شىعىپ كەتكەن.

سىرقاتقا ۇشىراعان قىتاي ازاماتتارىنىڭ ءبارى دە لاتىن امەريكاسىندا بولعان كەزىندە وسى ىندەتتى جۇقتىرعان. شينحۋا اگەنتتىگىنىڭ حابارلاۋىنشا، جەرگىلىكتى ساراپشىلار ۆيرۋستىڭ قىتايدا تارالۋ مۇمكىندىگى «از» دەپ سانايدى.