10:54, 16 - مامىر 2016 | GMT +5
فيليپپين ەلىنىڭ جاڭا پرەزيدەنتى ءولىم جازاسىن قايتارۋعا ءسوز بەردى
استانا. قازاقپارات - فيليپپيننىڭ سايلانعان پرەزيدەنتى رودريگو دۋتەرتە ءولىم جازاسىن قايتارىپ، قۇقىق قورعاۋ ورگاندارىنا وق اتۋعا رۇقسات بەردى.
بۇل - ەل ليدەرىنىڭ كەزەكتى رەزونانستى باستامالارىنىڭ ءبىرى. وسىعان دەيىن ول الكوگول مەن تەمەكى شەگۋگە تىيىم سالۋعا، سونىمەن قاتار بالالار ءۇشىن كوممەندانتىق ساعات ورناتاتىنىن ايتقان. سونداي- اق ول پرەزيدەنتتىك سارايدا اۋرۋحانا ورنالاستىرۋعا ءسوز بەرگەن، دەپ حابارلادى بي- بي- سي.
ايتا كەتەيىك، فيليپپيندە 2006 -جىلى ءولىم جازاسسىنان باس تارتقان. دۋتەرتە سوزىنە قاراعاندا، ول پارلامەنتتەن جازالاۋدىڭ ەڭ قاتال شاراسى رەتىندە ءولىم جازاسىن قالىپقا كەلتىرۋدى سۇرايتىنىن ايتتى.
قاماۋعا الار ساتتە قارسىلىق كورسەتكەن جاعدايدا، سونىمەن قاتار ۇيىمداسقان قىلمىسپەن بايلانىستى تۇلعالاردى ۇستاعاندا قۇقىق قورعاۋ ورگاندارى قارۋمەن اتا الادى، دەدى ول.
