12:58, 15 - مامىر 2016 | GMT +5
پاريجدە «قازاقستان عاجايىپتارى» فوتوكورمەسى اشىلدى - فوتو
استانا. قازاقپارات - پاريجدە، Carrousel du Louvre گالەرەياسىندا «قازاقستان عاجايىپتارى» فوتوكورمەسى اشىلدى، دەپ Facebook-تە قازاق گەوگرافيالىق قوعامداستىعى حابارلادى.
«كورمەگە دارىندى قازاقستاندىق فوتوگرافتاردىڭ: يليا افاناسيەۆ، ماكسيم زولوتۋحين، ءالي وسپانوۆ، اسەت باحەتان، تۇرار قازانعاپوۆ، كونستانتين كيكۆيدزە، سارسەنبەك قىزايبەك، ناستاسيا ماليۆ، ەربولات شادراحوۆ جانە باۋىرجان جۇمىستارى قويىلدى»، - دەلىنگەن حابارلامادا.
ۇيىمداستىرۋشىلار كەلۋشىلەرگە كورمەگە قويىلعان جۇمىستاردىڭ ارقاسىندا قازاقستاننىڭ تابيعاتى، داستۇرلەرى مەن ادامدارى جايلى كوپ نارسە بىلۋگە بولاتىنىنا ءسوز بەردى.
كورمە 9- ماۋسىمعا دەيىن بولماق، كىرۋ تەگىن. كەلۋشىلەردىڭ بارلىعى ەكى ادامعا ارنالعان قازاقستانعا جولداما ساراپقا قويىلاتىن ۇتىس ويىنىنا قاتىسا الادى.
