اسقازانداعى بوتەن زاتتى الىپ شىعاتىن شاعىن روبوت جاسالدى - كەسكىن
مەديتسينالىق ميكرو اپپارات حالىقارالىق روبوت تەحنيكاسى جانە اۆتوماتتاندىرۋ كونفەرەنتسياسىندا تانىستىرىلدى.
«ادامنىڭ ىشكى قۇرىلىستارىنا پايدالانۋ ءۇشىن بىزگە كىشكەنتاي، سىمسىز باسقارىلاتىن روبوتتىق جۇيە قاجەت، - دەيدى دانيەل راس. - سىممەن جالعانعان روبوتتى دەنەنىڭ قاجەتتى بولىگىنە جەتكىزۋ جانە باقىلاۋ كۇردەلىرەك».
اۆتورلار جاڭا اپپاراتتى جاساۋعا ءتۇرلى ماتەريالداردى بايقاپ كورگەن. ولار ازىرگە شۇجىق ورايتىن دوڭىز ىشەگىن پايدالانۋدا.
ميكرواپپارات قاجەتتى جەرگە جەتكىزۋ ءۇشىن ونى مۇز تۇيىرگە قاتىرىلىپ، ونى پاتسيەنت جۇتادى. ەرىگەن كەزدە اپپارات بوساپ، قالىپتى مولشەرگە دەيىن تىكتەلىپ، ورتالىقتان باسقارىلاتىن تۇراقتى ماگنيت كومەگىمەن، وريگامي سەكىلدى، بۇكتەلىپ-جازىلىپ قوزعالادى. عالىمدار سىرتتان ماگنيت قويىپ ونىڭ قوزعالىسىن سىرتتاي باسقارادى.
مەديتسينالىق اپپارات ليمون قىشقىلى قوسىلعان سۋ تولتىرىلعان جاساندى سيليكون اسقازاندا سىنالدى. ماگنيت ورىسىمەن باسقارىلاتىن شاعىن روبوت «اسقازانداعى» تۇيمە باتارەياعا ءساتتى جەتىپ، ونى ماگنيتپەن ۇستاپ، سىرتقا الىپ شىقتى.
