استانا اكىمى كاراوكەدە ءان سالاتىن تالانتتاردى ىزدەيدى

استانا. قازاقپارات - بۇگىن تاڭەرتەڭ «جاستار» سارايىندا استانا قالاسى اكىمىنىڭ كۋبوگى ءۇشىن «ءبارىمىز ءان سالامىز!» كاراوكە چەمپيوناتىنا كاستينگ وتەدى.

استانا قالاسى اكىمدىگىنىڭ قولداۋىمەن «جاستار» سارايى ۇيىمداستىرىپ وتىرعان مۋزىكالىق جوبا 16 جاستان جوعارى تالانتتى ورىنداۋشىلاردى وعان قاتىسۋعا شاقىرادى. مۋزىكالىق ءبىلىمى بولعان-بولماعانىنا قاراماستان، تىلەك بىلدىرۋشىلەردىڭ ءبارى دە ءوزىنىڭ سۇيىكتى اندەرىنىڭ ءبىرىن ورىنداپ، ىرىكتەۋدەن وتە الادى.

كاستينگىدەن وتكەن تالانتتى ورىنداۋشىلار ءۇشىن ۆوكال بويىنشا تاجىريبەلى وقىتۋشىلارمەن ترەنينگىلەر، جۇلدىزدارمەن شەبەرلىك ساباقتارى جانە باسقا دا شارالار وتەدى.

چەمپيونات ەرەجەسىنە سايكەس قاتىسۋشىلار ءۇش توپقا بولىنەدى: «مۋزىكالىق بىلىمىمەن 16 دان 30 جاسقا دەيىن»، «مۋزىكالىق ءبىلىمى جوق 16 دان 30 جاسقا دەيىن»؛ «مۋزىكالىق ءبىلىمى بار-جوعىنا قاراماستان 31 جاستان جوعارىلار ءۇشىن».

ۇيىمداستىرۋشىلاردىڭ ايتۋىنشا، فينال 2016-جىلعى 5-6- شىلدە كۇندەرى استانا كۇنىن مەرەكەلەۋ كەزىندە بولادى. ءۇش توپتاعى جەڭىمپازدار «كاراوكە چەمپيونى-2016» اتاعىنا جانە اقشالاي سىيلىققا يە بولادى. ەڭ كوپ بالل العان قاتىسۋشى استانا قالاسى اكىمىنىڭ كۋبوگىن يەلەنەدى.

«ءبارىمىز ءان سالامىز!» كاراوكە چەمپيوناتى العاش رەت استانادا 2015-جىلى ءوتتى. وعان ەكى جۇزگە جۋىق ءوتىنىم قابىلداندى. ونىڭ قورىتىندىلارىمەن دەنيس ني، نۇرلان توكەنوۆ جانە ميلانا سەرىكوۆا جەڭىمپاز اتانعان بولاتىن.