استانادا مۋزەيدەگى ءتۇن وتەدى

استانا. قازاقپارات - استاناداعى ق ر ۇلتتىق مۋزەيىندە حالىقارالىق مۋزەيلەر كۇنىنە ارنالعان «مۋزەيدەگى ءتۇن» اكسياسى وتەدى.

شارا 18-مامىردا ساعات 18:00 دەن 19- مامىردا ساعات 01:00 گە دەيىن بولادى، دەپ حابارلادى مۋزەيدىڭ باسپا ءسوز قىزمەتى.

اكسيا بارىسىندا زالداردا تەگىن ەكسكۋرسيالار ۇيىمداستىرىلادى، وندا مۋزەي قوناقتارى ەجەلگى جانە قازىرگى قازاقستاننىڭ تاريحىمەن جانە مادەنيەتىمەن تانىسادى.

سونداي-اق قوناقتاردىڭ نازارىنا قازاقستاندىق ەسترادا جۇلدىزدارىنىڭ قاتىسۋىمەن كونسەرتتىك باعدارلاما ۇسىنىلادى. مەرەكەلىك شارا ادەمى لازەرلىك شوۋمەن اياقتالادى.

بۇگىنگى كۇنى الەمنىڭ 40 تان استام ەلىندە «مۋزەيدەگى ءتۇن» وتكىزۋ داستۇرگە اينالدى. قازاقستاندا دا مۋزەيلەردىڭ كوپشىلىگى بۇگىندە وسى مەرەكەلىك اكسيانى ۇلكەن جاۋاپكەرشىلىكپەن وتكىزۋدە. ۇلتتىق مۋزەي بۇل اكسيانى ەكىنشى رەت ۇيىمداستىرعالى وتىر. وتكەن جىلى اكسياعا 23 مىڭنان استام ادام قاتىسقان بولاتىن.