جەر رەفورماسى بويىنشا كوميسسيانىڭ وتىرىسى ءار سەنبى سايىن وتەتىن بولادى - فوتو
«كەزەكتى وتىرىسىمىزدى كەلەسى سەنبىدە وتكىزەيىك. باستالاتىن ۋاقىتى - ساعات 10. كەلەسى جولى جەردى ساتۋ ماسەلەسىن قاراستىراتىن بولايىق. ودان كەيىن تالقىلاۋعا ءتيىستى كەلەسى ماسەلەمىزدى انىقتاپ الاتىن بولامىز»، - دەدى ب. ساعىنتايەۆ.
ەستەرىڭىزگە سالا كەتەيىك، ق ر پرەزيدەنتى قوعامدىق جاڭعىرىق تۋعىزعان جەر كودەكسىنىڭ ءبىرقاتار نورمالارىنا 2017 - جىلعا دەيىن موراتوري جاريالادى.
«قابىلدانعان زاڭنىڭ تەتىكتەرى مەن نورمالارى جۇرتشىلىقتى كەڭىنەن قاتىستىرۋ ارقىلى تالقىلانبادى. سوندىقتان كوپ جاعدايدا حالىقتىڭ الاڭداۋى دۇرىس. ەگەر قازاقستاندىقتار قابىلدانعان شەشىمگە سەنبەيتىن بولسا، دەمەك بۇل دۇرىس ەمەس دەگەن ءسوز. ويتكەنى، بۇل وزگەرىستەر حالىق ءۇشىن جاسالىپ جاتىر. قوعامدا جەردى جالعا الۋ جونىندەگى ءبىرقاتار زاڭنامالىق نورمالارعا قاتىستى كۇمان تۋعانىن ەسكەرۋ ماڭىزدى»، - دەدى مەملەكەت باسشىسى.
سونىمەن قاتار پرەزيدەنت ۇكىمەت جانىنان پرەمەر- ءمينيستردىڭ ءبىرىنشى ورىنباسارى ب. ساعىنتايەۆتىڭ باسشىلىعىمەن كوميسسيا قۇرۋدى تاپسىرعان بولاتىن.
اۆتور: مارلان جيەمباي 
