تانىمال ءانشى التىناي جورابايەۆا ەنەسىمەن نەگە بىرگە تۇرعىسى كەلمەيتىنىن ايتتى

استانا. قازاقپارات - ەلىمىزگە تانىمال ءانشى التىناي جورابايەۆا ءوزىنىڭ نە سەبەپتى اتا-ەنەسىمەن بىرگە تۇرعىسى كەلمەيتىنىن ايتتى.

سوزىنە سەنسەك، اتا-ەنەسىمەن بىرگە تۇرماۋىنا جولداسىنىڭ ەكس جۇبايى ايگۇل يمانبايەۆانىڭ قاتىسى جوق.

بۇل تۋرالى 31- ارنانىڭ «ايتا بەرسىن» باعدارلاماسىندا ايتىلدى.

ايگۇل يمانبايەۆا 18 جاسىندا ءسابيت ءابدىحالىقوۆقا تۇرمىسقا شىعىپ، اسىلجان ەسىمدى ۇلدى دۇنيەگە اكەلگەن. بۇگىندە سوزدەرى جاراسپاعان قوس عاشىق تەك ارىپتەستەر بولىپ قالعان. بۇدان كەيىن ءابدىحالىقوۆ التىناي جورابايەۆامەن وتاۋ قۇرادى. بۇگىندە ءتورت قىز تاربيەلەپ وتىرعان التىناي اتا-ەنەسىمەن بىرگە تۇرمايدى ەكەن.

التىناي جۋرناليستىڭ «اتا-ەنەڭىزبەن بىرگە تۇرماۋىڭىزدىڭ سەبەبى نە؟ بۇعان ايگۇل يمانبايەۆانىڭ قانداي قاتىسى بار؟» دەگەن سۇراعىنا ارادا ەش كيكىلجىڭ بولماعانىن ايتىپ جاۋاپ قايىرعان.

«ەنەم» ايگۇل ۇيگە كەلىپ جاتىپ الىپ نەمەسە استى-ۇستىمە تۇسكەن جوق» دەيدى. ونىڭ دا ءوزىم سياقتى بولعانىن ايتادى. بۇل جەردە ءسابيت ەكەۋىنىڭ ارا-قاتىناسى دۇرىس بولماعان عوي»، - دەيدى جورابايەۆا.

ءانشى ەنەسىمەن بىرگە تۇرۋعا كەتارى ەمەس ەكەنىن ايتى. ونىڭ ايتۋىنشا، ەنەسىنىڭ وزدەرىنىڭ ۇيرەنىپ قالعان جەرىنەن قالاعا كوشىپ كەلگىسى جوق.

«ءبىز ونەر سالاسىندا جۇرگەندىكتەن، ول كىسىلەر بىزگە كەلمەيدى. ولار وزدەرى تۇرىپ جاتقان جەرگە ۇيرەنىپ قالعان. ال شىمكەنتتە ءبىز تۇرا المايمىز. بۇل شىعارماشىلىعىمىزعا كەدەرگى كەلتىرەدى. مۇندا ەشقانداي دا قيىندىق جوق. قانداي جاعداي بولماسىن تۇسىنىسۋگە بولادى عوي»، - دەپ ءانشى بۇگىندە تاتۋ-ءتاتتى ءومىر كەشىپ جاتقانىن تىلگە تيەك ەتتى.