بەلگيا شىلدەدەن باستاپ سيرياداعى لاڭكەستىك توپ بەكىنىستەرىن بومبالايدى
ەۋروپالىق مەملەكەت بيلىگى بۇل تۋرالى بۇگىن مالىمدەدى، دەپ جازادى 24.kz.
ا ق ش ناۋرىزدىڭ باسىندا بريۋسسەلگە اراب ەلىندەگى سوعىس قيمىلدارىنا قاتىسۋ تۋرالى رەسمي ءوتىنىش جاساعان ەدى. ءبىراق كونستيتۋتسيا بويىنشا اسكەري شارالارعا قوسىلۋ تۋرالى شەشىم كورولدىكتىڭ باستى زاڭ شىعارۋ ورگانىندا تالقىلانۋى كەرەك.
ايتا كەتكەن ءجون، بەلگيالىق اتقىش اۋە كەمەلەرى قازىر يراكتاعى سودىرلارعا قارسى وپەراتسيالارعا قاتىسىپ جاتىر.
«ۇكىمەت يراكتاعى عانا ەمەس، سونداي-اق سيرياداعى «يراك پەن ليەۆانت لاڭكەستىك ۇيىمىنا» قارسى كۇرەسكە قاتىسۋ ءۇشىن F-16 ۇشاقتارىنىڭ مانداتىن كەڭەيتۋ تۋرالى شەشىم قابىلدادى. ءبىز ەكسترەميستىك ۇيىممەن سوعىسىپ جاتقان ەلدەردىڭ كواليتسياسىنىڭ ءوتىنىشىن قولدايمىز. پارلامەنتتە وسى ماسەلەگە ارنالعان پىكىرتالاستار وتەدى»، دەدى بەلگيا پرەمەر-ءمينيسترى شارل ميشەل.
