سىيلىق سالىنعان قوراپ قاراعاندى اۋداندىق سوتىن ابىگەرگە سالدى

قاراعاندى. قازاقپارات - قاراعاندىدا 2№ قازىبەك ءبي اۋداندىق سوتىندا كۇدىكتى قوراپ سالدارىنان ادامداردى قاۋىپسىز جەرگە شىعاردى.

بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.

«13- مامىردا ساعات 11:59 دا ەرۋبايەۆ كوشەسىندەگى 2№ قازىبەك ءبي اۋداندىق سوتىندا كەلۋشىلەر بولمەسىنەن سىيلىق قورابى تابىلدى. بارلىق جەدەل قىزمەت شاقىرتىلدى. «ارلان» ساپەرلەرى قوراپتى قاراپ، ىشىندە كادەسىي بولعانىن انىقتادى»، - دەدى وبلىستىق ءى ءى د باسپا ءسوز قىزمەتىنىڭ باسشىسى باقىتجان كۋدياروۆ.

كەيىن سوت قىزمەتكەرى تانىسىنا سىيلىق بەرگەنىن، ال ول قوراپتى كەلۋشىلەر بولمەسىندە ۇمىتىپ كەتكەنى انىقتالدى.

ساعات 12:15 دە اۋداندىق سوت جۇمىسىن جالعاستىردى.

پوليتسيا اقپاراتىنشا، وقيعاعا بايلانىستى سوت زالىنان 15 ادام شىعارىلدى.