02:21, 14 - مامىر 2016 | GMT +5
اقتوبەلىك قاريا ۇزاق ءومىر ءسۇرۋىنىڭ سىرىمەن ءبولىستى
استانا. قازاقپارات - اقتوبە وبلىسىنىڭ اكىمى بەردىبەك ساپاربايەۆ جەڭىس مەرەكەسى قارساڭىندا ءبىرقاتار ۇلى وتان سوعىسى ارداگەرلەرىن ۇيلەرىنە بارىپ قۇتتىقتادى دەپ حابارلايدى aktobenews.
سوعىستان كەيىن 50 جىلىن ءبىلىم بەرۋ سالاسىنا ارناعان سۇلتان دوسمۇراتوۆ اقساقال ءالى دە تىڭ كورىنەدى. مەرەكە قارساڭىندا قالادا تۇراتىن كەنجە ۇلى كەنجەبەكتىڭ ۇيىنە قوناققا كەلگەن قارت ۇستاز نەگىزىنەن تۋعان جەرى - ايتەكە ءبي اۋدانىنداعى بالالارىنىڭ شاڭىراقتارىندا بولعاندى ءجون سانايدى.
«اۋىلدىڭ اۋاسى دا تازا، ونىڭ ۇستىنە ۇنەمى اعارعان ىشكەندى ۇناتامىن»، - دەيدى سۇلتان اتا.
گازەت-جۋرنالدى ءالى دە كوزاينەكسىز وقيتىن ول قال-جاعدايىن سۇراعان ءوڭىر باسشىسىنا ۇنەمى قوزعالىستا بولعاندى جاقسى كورەتىنىن، مۇزداي سۋمەن جۋىناتىنىن ايتتى.
