ن. نازاربايەۆ قازاقستاندى الەمنىڭ ەڭ قاۋىپسىز ەلدەرىنىڭ قاتارىنا شىعاردى - اممان مەرى ا. بەلتادجي
بۇل تۋرالى «قازاقپارات» ح ا ا- ءنىڭ تىلشىسىنە بەرگەن سۇحباتىندا اممان قالاسىنىڭ مەرى اكەل بەلتادجي ايتتى.
يوردان حاشيميت كورولدىگى استاناسى مەرىنىڭ ايتۋىنشا، ق ر پرەزيدەنتى ن. نازاربايەۆ يادروسىز الەم يدەيالارىن ۇسىنعانى ءۇشىن بارلىق مەملەكەتتەردىڭ قۇرمەتىنە بولەندى.
«ق ر پرەزيدەنتىنىڭ ۆاشينگتوندا يادرولىق قاۋىپسىزدىك بويىنشا سامميتتەگى جولداۋى بىزگە جانە بۇكىل حالىقارالىق قوعامداستىققا ۇلكەن اسەر قالدىردى. ول بارلىق مەملەكەت كوشباسشىلارىن 21-عاسىردىڭ بەيبىت، سوعىسسىز بولۋىنا، قۋاتتى دەرجاۆالار بۇل ۇندەۋدى قولداپ، يادرولىق قارۋدان باس تارتۋعا شاقىردى. پرەزيدەنت ن. نازاربايەۆ بارلىعىنا ساياسي ومىرىندەگى تاجىريبەسى مەن قازاقستاندا يادرولىق زەرتحانالاردى جابۋ تۋرالى تاعدىرشەشتى شەشىمى تۋرالى باياندادى. سوندىقتان «الەم. ХХІ عاسىر» مانيفەسى - بۇل جوعارى ادامگەرشىلىك جانە گۋمانيستىك پوزيتسيالاردى ۇستانعان ءىرى ساياساتكەردىڭ جولداۋى جانە ول الەم بولاشاعىنا كوز جىبەرەدى»، - دەدى ا. بەلتادجي.
اممان مەرىنىڭ باعالاۋىنشا، ولىمگە اكەپ سوعاتىن يادرولىق قارۋدىڭ، ونى قولدانۋدان باس تارتپايتىن لاڭكەستەردىڭ قولىنا ءتۇسۋىنىڭ ۇلكەن قاۋپى بار.
«پرەزيدەنت ن. نازاربايەۆ ءبىزدى، بۇكىل الەمدى قازىرگى كەزدە سوعىستاردىڭ ماعىناسىز ەكەنىن، جالپىعا بىردەي قابىلدانعان قۇندىلىقتارعا، ادامگەرشىلىككە قايشى ەكەنىن ەسكەرتىپ وتىر. سوندىقتان مەملەكەت كوشباسشىلارى ۋاقىت وتە كەلە مۇنداي شەشىمگە كەلىپ، ب ۇ ۇ- نىڭ رەسمي قۇجاتىنا اينالعان مانيفەستەگى ۇسىنىستاردى ىسكە اسىرا باستايدى»، - دەپ اتاپ ءوتتى ا. بەلتادجي.
ونىڭ پىكىرىنشە، مانيفەست تارماقتارىن ىسكە اسىرۋ قازاقستاننىڭ ءوز مىسالىندا ابدەن جۇزەگە اسىرىلۋى مۇمكىن.
«ءبىزدىڭ ەلىمىزدە ءار كەزدە بۇرىنعى ك س ر و- دا ءبىلىم العان ورىس ءتىلدى يورداندىقتار بار. ولاردىڭ ارقاسىندا ءبىز ت م د ەلدەرى تۋرالى جاڭالىقتاردى ءبىلۋ مۇمكىندىگىمىز بار. قازاقستان كوشباسشىسى ءوز ەلىنىڭ دامۋىنا ۇلكەن ۇلەس قوستى. 25 جىلدىڭ ىشىندە ول قازاقستاندى الەمدەگى ەڭ قاۋىپسىز، قوعامى ءتوزىمدى، ونەركاسىبى دامىعان مەملەكەتتەردىڭ قاتارىنا شىعاردى. الەمنىڭ كوپتەگەن مەملەكەتتەرىمەن سالىستىرعاندا، قازاقستاندىقتار قاۋىپسىزدىك پەن ادام قۇقىقتارىن قۇرمەتتەۋ احۋالىندا تۇرىپ جاتىر. ءبىزدىڭ بايقاعانىمىز، بيلىك پەن قوعامنىڭ اراسىندا ديالوگ بار ەكەنىن جانە ن. نازاربايەۆ وركەنيەتتى دەموكراتيالىق مەملەكەت قۇرۋدى جالعاستىرىپ وتىرعانىن كورسەتىپ وتىر. مەن قازاقستاندىقتاردىڭ ەلدەگى جاعدايدى تاياۋ شىعىس ەلدەرىمەن جانە الەمنىڭ باسقا كوپتەگەن ەلدەرىندەگى جاعدايمەن سالىستىرا وتىرىپ، ونى تيىسىنشە باعالايتىنىنا سەنىمدىمىن»، - دەپ مالىمدەدى ا. بەلتادجي.
اممان قالاسىنىڭ مەرى ا. بەلتادجيدىڭ استانا ەكونوميكالىق فورۋمىنا قاتىسۋ ءۇشىن الداعى ۋاقىتتا ەلورداعا كەلۋى كۇتىلىپ وتىر.
