قىرعىزستاندا وپپوزيتسيونەرلەر مەملەكەتتىك توڭكەرىس جاساماق بولعان
ولار بيلىكتى باسىپ الۋعا دايىندالدى دەگەن كۇدىك تۋدىردى. بۇل تۋرالى قىرعىز رەسپۋبليكاسى مەملەكەتتىك ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن حابارلاندى.
قىلمىستىق ءىس قىرعىزستاننىڭ ق ك 27-295 («بيلىكتى كۇشپەن باسىپ الۋعا دايىندالۋ») جانە 27-341 («بيلىك وكىلىنە كۇش قولدانۋعا دايىندالۋ») باپتارى بويىنشا قوزعالدى.
قىرعىزستاننىڭ م ۇ ق ك اقپاراتىنشا، تەرگەۋالدى جينالعان ماتەريالدارعا سايكەس، اتالعان تۇلعالار ەلدەگى قوعامدىق-ساياسي جاعدايدى تۇراقسىزداندىرۋعا كەيىن كۇشپەن بيلىكتى تارتىپ الۋعا باعىتتالعان شارا ۇيىمداستىرماق بولعان. سونداي-اق، ولار لاۋازىمدى تۇلعالارعا قارۋ قولدانىپ، شابۋىل جاساۋدى ويلاستىرعان.
جەرگىلىكتى ب ا ق پەن الەۋمەتتىك جەلىلەردە «ەلدىك پارلامەنت» قوزعالىسى ليدەرلەرى مەن بەلسەندىلەرىنىڭ كەلىسسوزدەرى جازىلعان اۋديوجازبا بولىكتەرى جاريالاندى.
قازىر قىرعىزستاننىڭ م ۇ ق ك قىلمىستىق ءىس اياسىندا ءتيىستى تەرگەۋ امالدارىن جۇرگىزىپ جاتىر.
