جامبىل وبلىسىندا پروكۋروردىڭ قاتىسۋىمەن بولعان تىكۇشاق اپاتىنا قاتىستى جاڭا دەرەكتەر پايدا بولدى

استانا. قازاقپارات - جامبىل وبلىسىندا اپاتقا ۇشىراعان تىكۇشاققا قاتىستى جاڭا دەرەك پايدا بولدى.

عالامتور جەلىسىندە شىققان اقپاراتتا ادام ولىمىمەن اياقتالعان اپاتقا قاتىستى، تەرگەۋ امالدارىنىڭ اياقتالعانى ايتىلعان.

بۇل تۋرالى 31- ارنا حابارلايدى.

ساراپتاما جانە تەرگەۋ امالدارى تولىق جۇرگىزىلگەنىمەن، تەرگەۋ دەپارتامەنتى ءالى ءبىر توقتامعا كەلە الماي وتىر. ناقتى شەشىم اۆياتسيالىق وقيعالاردى تەكسەرۋ جانە باقىلاۋ باسقارماسىنىڭ ماماندارىنان قۇرالعان كوميسسياسىنىڭ ارنايى ەسەبىنەن سوڭ عانا شىقپاق.

تەرگەۋ قۇپيالىعىنا بايلانىستى باسقا اقپار ءالى ايتىلماۋدا. ايتا كەتەيىك قاڭتارداعى اۋە اپاتىنان ۇشاقتى باسقارعان ۆالەري ميحين قاتتى كۇيىكتەن اۋرۋحانادا جان تاپسىرعان ەدى. ونىڭ قاسىندا العاشىندا قانشا ادام بولعانى ايتىلماپ ەدى.

كەيىن بەلگىلى بولعانداي بورتتا تاعى ءۇش ادام بولعان. ونىڭ ءبىرى وبلىس پروكۋرورى سىبانقۇلوۆ. قالعان ەكى ادام جايىندا رەسمي ورگاندار ءالى جاق اشپادى. بۇل، تىك ۇشاقتى جالداپ، اڭ اۋلاۋعا شىققان لاۋازىمدى تۇلعالار بولۋى مۇمكىن دەگەن كوپتىڭ كۇدىگىن كۇشەيتىپ وتىر.